منتديات العاشق - عرض مشاركة واحدة

ℓєℓσυcн · #1 01-23-2013, 09:10 PM

اڷسڷام عڷيڪم ۈرحمـۃ اڷڷـہ ٺعاڷى ۈبرڪاٺہ

أسعد اڷڷـہ صباحڪم ۈمساڪم بأڷف خير إن شـاء اڷڷـہ.. !!

ۈ اهلا

بجميع اعضاء منتدي العاشق وخاصۃ رواد القسم الادبي

اتمني تڪۈنۈا بأتم اڷصحة ۈاڷعافيۃ إن شاء

اليوم اقدم لكم ان شاء اڷڷـہ اول مواضيعي بالقسم الادبي ان شاء الله يعجيكم

وهو عبارة عن قصص ساخره مكونه من عشرة اجزاء بعنوان يوميات صيدلي

ان شاء الله تعجبكم

اقدم لكم اليوم الجزء الاول الاول من هذه السلسله رغم انه اقل مستوي من باقي

الاجزاء

لأنه يعتبر كأنه تعريف بالشخصيات

لكن ارجوا ان ينال اعجابكم

تنبية .القصه خياليه ولا تمت للواقع بصله والشخصيات الموجودة بها من واقع الخيال

العاملون علي الموضوع
مؤلف القصه : dr.mahmoud elmakawy صديقي العزيز
فكرة وتنسيق وكتابه الموضوع : lelouch lamperouge
تصميم : Assa550ssino

البنر

(يوميات صيدلى) .... الحلقه الاولى

راكب ال (بى ام) الحمرا بتاعتى و فى طريقى دلوقتى لشركة فايزر (شركة ادوية).. رايح احضر الكونفيرنس السنوى العالمى اللى بتعمله الشركه كل سنه

مع انه في الحقيقه هيضيعلى ساعتين من وقتى بس يالله مش مشكله هاحضر المرهدى بس عشان خاطر الاريا مانجر بتاعى مايزعلش ..

ماشى ف الطريق .. مشغل التكييف وباسمع موسيقى هاديه .. فجأه لقيت ترله ضخمه دول داخله عليا زى الوحش

اديلو اشاره يمين يديلى يمين .. اديلو اشاره شمال

يديلى شمال .. اكلكسلو .. يكلكسلى .. شكله هايخبطنى ولا ايه ؟؟؟

وفجأه .. بووووم ...

دماء وأشلاء فى كل حته فى الطريق والناس ملمومه حوليا وبيقولوا . دكتور مجدى .. قوم يا دكتور مجدى .. قوم يا دكتور مجدى قوووم .. قوووووم

... وفجأه ...

ماما:

-قوووووووم يا زفت .. الساعه بقت عشرة ونص اتأخرت علي الصيدليه يا حزين

-انا فييين ؟؟ انا مييين ؟؟ انا لييييه ؟؟؟ البى ام الحمرا راحت فين ؟؟؟

- بى ام ؟؟ الله يخرب بيت افلام احمد عز وهانى سلامه واللى عملته فيك .. بى ام ايه يا منيل ؟ د انت اخرك عجله صينى وجنزيرها واقع كمان

- اعوذ بالله .. ايه يا ماما مفيش كلمتين تفاؤل عالصبح كده ؟

اصطبحنا وصبح الملك لله .. هى الساعه كام دلوقتى ؟؟ ... يا نهار اسود .. دانا كدا متأخر عالصيدليه .. كدا فااااكس فطار

اما اقوم انط ف قميص وبنطلون عالسريع كده والحق افتح الصيدليه ...

مااااااامااااااا ... القميص النبيتى بتاعى فييييييين؟؟؟

- فى الغساله .. شوفلك حاجه تانيه

- استغفر الله العظيم يارب كل ماسأل على حاجه الاقيها ف الغساله .. هاضطر البس التشيرت بتاع امبارح وامرى لله بس هازود جرعة الاكس شويه

المهم نزلت عالسلم طلقه عشان عمك الحاج ابراهيم مايلمحنيش زى كل مره ويصدع دماغى بأم حقنه الانسولين بتاعه كل يوم دى ..

الحمد لله عديت من باب شقته ولسه هاخرج بره ...

الحاج ابراهيم :

-يا دااااكتوووور ماجدىىىىى

-ارحمنى يا رب .. ايوا يا جح معلش انا متأخر النهارده عالصيدليه خلى مراتك تديلك حقنه الانسولين النهارده بس

- ينفع كده يا دكتور .. من ساعه ماتخرجت وانت كبرت علينا خلاص .. ولا عدت بتعبرنا

- يا سيدى والله انت على دماغى من فوق بس انا بقولك مستعجيييييييل

- يا دكتور والله مابرتاح الا على ايدك
دا مراتى بتنسى وبتيدى جرعه الانسولين فسرنجه خمسه سنتى عشان تعرف تقرى التدريج بتاع السرنجه وانا ماباليد حيله

- انجز يا عم هااات ايدك خلصنى .. عمرك مانفعتنى بحاجه من يوم ماشوفت ولا حتى حقنه مكستارد 100

- بتقول حاجه يابنى ؟؟
- لا يا حاج ولا حاجه .. ولا حاجه
............

اديتلو الحقنه ونزلت افتح الصيدليه

وحكايه فتح الصيدليه دى موااال لواحده .. الدكتور صاحب الصيدليه أسم النبى حارسه حاططلى 17 قفل و5 كوالين وسلسلتين

ليييييييييييه ؟؟؟ مغارة على بابااا ؟؟؟

دا تمن الاقفال والكوالين دى يجى اغلى من تمن الدوا اللى جوا كله

المهم ماصدقت فتحت واترميت على الكرسى جوه اخد نفسى شويه من فتح الصيدليه .. ببص قدامى لقيت ورقه ملزوقه عالمكتب مكتوب فيها :

ماتريحش اوى كدا عالكرسى دانت لسه فاتح يعنى .. قوم اجردى الحقن بسرعه .انا امبارح لقيت علبتين يوناسين 750 اكسباير عالرف

ولو جيت بليل ولقيت حاجه

زيهم .. هطلعك انت اكسباير م الصيدليه .. (التوقيع : صاحب الصيدليه)

To be continuee .....

ها وقد وصلنا الي نهاية الجزء الاول من السلسله

ارجو ان تعجبكم

وهناك تصويت في بداية الموضوع يرجي التصويت به

اسستودعكم المولـى

التعديل الأخير تم بواسطة ℓєℓσυcн ; 01-26-2013 الساعة 07:15 AM