عرض مشاركة واحدة
  #1  
قديم 02-12-2013, 05:50 AM
الصورة الرمزية MR.LOFi..*  
رقـم العضويــة: 117822
تاريخ التسجيل: Feb 2012
الجنس:
المشـــاركـات: 2,276
نقـــاط الخبـرة: 569
Twitter : Twitter
افتراضي لامك عليك حقق لو علمت كثيرر ..|*




موضوعي اليوم عن الام ..

سال احد الصحابه الرسول صلى الله عليه وسلم

من احق الناس بحسني صحابتي ؟فاجابه الرسول صلى الله عليه وسلم قال امك قال ثم من قال امك قال ثم من قال امك قال ثم من قال ابوك انتهى الحديث


وكلاهما بابان من ابواب الجنة فانتبه الى هذه الابواب حتى لاتغلق الجنة في وجهك


تحب امك . ؟

اكيد الجواب :- في احد ما يحب امه انت اهبل..!! هه

زين انت تحبها صح .؟

كيف معاملتك معااهاا .؟

سالت نفسك من قبل انت اشلون تعامل امك .؟

احنا نحبهم ونقدرهم ولهم الاحترام كله والطاعه بعد طاعة الله وهم تاج روسنا .. هاي الكلام كلنا نقوله بس ما خفي اعظم

بعضناا يوم امه تجي تقول له ياوليدي لا تسوي كذا ينهر فيهااا على طووول وصرااخ وحاله ..طيب ليش ..ما تقدر تقول لها سمي ياطويلة العمر ابشري من عيوني

كله ولا زعلج تامرين امر يالحبيبه انتي وتداعبهاا وتضحكها وتحل الجدال بشويش ...

وبعضنا يوم امه تجي تنصحه يقول لها زين ويوم تعيد الكلام يعصب ويقول انا مب جاهل واعرف مستقبلي !!

هه لا يا فالح وربي ما تعرف شي مستقبلك هي امك جنتك ونارك هي ما عادت الكلام الا من خوفها عليك ..وماعادت الكلام الا من حرصهاا انك تسويه


في بعضنا يسوي اشياء ما يعلم فيها الا الله وقدام العالم امه تتصل لبيج سمي ابشري.. يدخل البيت (( قدح ي شيخ )) يصير وجه ثاني يشوت خواته يقط كلام

جارح على امه .. واخرتها انتوا ما تحسون بالواحد وحياتي كلها عذاب ومب متوفق !! ههه ايييييه اكيد ما بتتوفق دام كذا سواتك مع امك

انا شاب واعرف سوالف الشباب .. يجيك يقول لك والله الوالده او الوالد معقدين حكره وصراخ وسنداره .. طيب ليش .؟

يقول لك هم كذا شدراني عنهم ههههه شدراك عنهم .؟! زين ما فكرت تقعد معاهم وتسولف وتقول لهم شبلاكم علي شايفين مني غلط ولا شي.؟

يرد ااخينا في الله مب فاضي عوار راس واعرف ويش بيقولون اني صايع وضايع وماعندي مستقبل وهالكلاام اللي يجيب الهم ههه


اخينا حبيب قلبي انت ركز وياي .. انت ما تشوف انه كلامهم صح.؟ زين ارجع لربك وبر في والديك ..

بعطيك مثال...!!

لو انت تصلي كل الصلوات في المسجد .. تقرا القران .. مالك في ام المشاكل ..تهقى ابوك او امك بيخافون عليك.؟


بيقولون ولدنا ينخاف منه .؟ ااذاا طلعت بيقولون يالله عسى خير ما تجي مصيبه من هالطلعه .؟


انت اكيد لك سوابق علشان كذا اهلك يخافون منك وعليك ... ترا كل ام تشوف ولدها احسن ولد مافي ام تفضل حد على عيالها حتى لو تقول ما تقول داخلها شي ثاني

بس تقول قدامنا اشياء وكذا لجل نحس بغلطنا .. حبيبي الغالي .. فكر بامك قبل كل شي ..قبل زواجك قبل وضيفتك او اشغالك ..ادخل عليها بهديه فرح قلبها .. اذا عصبت عليك..

لا تنهر تقبل العصبيه وخليها تخلص كلامهاا وعقب حب يدها وراسهاا وقول لها العذر والسموحه منج طال عمرج وسمي ياطويلة العمر ما يصير خاطرج الا طيب

فرحها بهديه !!ههه الامهات شيبون والله لو تعطيهم بوسه على الراس يستانسون .. مثلا جيب لها بخور >> يموتون على البخور ههه الله يحفظهم

جيب لهاا عطر .. سجاده ..قران .. مب مهم نوع الهديه ..المهم جات منك .. لا تستخسر عليها شي

اسال نفسك .من يصبح عليك كل يوم

يازيين طلعة الصبح وامك تقول لك رووح ياوليدي جعل كل خطوه تخطيها سلامه ..والله يبعد عنك عيال الحرام ..ويوفقك ويستر على طريجك

يالله يازيين هالصبح وربي .. ينشرح خاطرك ..تتوفق .. يبتعد عنك الشيطان وتهلي بك الملائكه

اما تخيل تطلع من البيت بكلمة ..روح الله ياخذك الله لا يوفقك دامك موريني الويل.؟!!

بتقول مب من قلبهاا عادي ما بيصير شي كل يوم تقولها وما يصير شي ..؟ههه صح كلامك مب من قلبهاا

بس تخيل بيبان السما تكون مفتوحه حزتهاا.؟

ويش بيكون موقفك دام البيبان مفتوحه وربي استجاب لهااا ..؟

فكر يابعد حيي فكر ..!! لا تقول انا قايم فيهم .؟ ترا كلنا مقصرين بحقهم حتى لو شلناهم على روسنا ..

بخليكم لمقطع انا سويته .. بس مب بصوتي ..كان عندي شريط كست قديييم هههه هاي المتسطيل ههه هاي اللي تفك السلك الاسود ماله وبعد يشتغل ياخوي حل عني شوي هههه !!


المهم هالشريط كان اسمه رياض المحبين لشيخ عبد الواحد المغربي وكان في مقدمه تتكلم عن الام طبعا الشيخ هذا يقول قصايد ملحنه بصوته لانه صوته حلوو

ما شاء الله ...فا دورت على المقطع وحصلته كامل ف خذيت المقطع وقصيته ..وحطيته برابط وابيك تسمعونه ما بياخذ منك وايد ...
.
.
.
.





اما كلمات المقطع فهي ../*


لأمك حق لو علمت كثير
كثيرك يا هذا لديه يسير

فكم ليلة باتت بثقلك تشتكى
لها من جواها أنة وزفير

وفى الوضع لوتدرى عليها مشقة
فمن غصص منها الفؤاد يطير

وكم غسلت عنك الأذى بيمينها
وما حجرها إلا لديك سرير

وتفديك مما تشتكيه بنفسها
ومن ثديها شرب لديك نمير

وكم مرة جاعت وأعطتك قوتها
حنانا وإشفاقاوأنت صغير

فآها لذى عقل ويتبع الهوى
وآها لأعمى القلب وهو بصير

فدونك فارغب فى عميم دعائها
فأنت لما تدعو إليه فقير


.
.

في انشوده كل ماا اسمعهاا عيوني تدمعع واجلس اردد احبك ي امي الله يحفظك لي انت وابوي تاج ع راسي افتخرر به بين العرب ..
.
.




السموحه على الاطاله ... وهذا اللي طلع بيدي ..اتمنى اكون افدت حد ..

الله يحفظ لي والداي ويديم عليهم تاج الصحه والعافيهه .. واباء وامهات جميع المسلمين يارب العالمين ..

.

.


التعديل الأخير تم بواسطة راماس ; 02-15-2013 الساعة 07:16 PM سبب آخر: يمنع روابط اليو تيوب
رد مع اقتباس