لا تخاف الذيب خاف إمن البشر
يل تكول الذيب غدار إوقَذر!
انته متوهم إولازم تعتذر!
لا تخاف الذيب خاف إمن البشر
ما سمعنه ابذيب بذيابه غدر!
بس سمعنه اهواي مأسات إوعبر
عن بني ادم إوطعنات الظهر!!
الذيب ما يغدر صديقه اشما مكر
بس صديقك بالغدر ظل يفتخر!
هَم سمعت ابذيب فَكر ينتحر!!
لأن من صحبانه ما مره انغدر !
ليش تتهم الذيابه ابهل الأمر!
وانته بعيونك شفت كل الصور!
ما سمعنه ابذيب بذيابه انفجر
إولا سمعنه البيهم ابطبع الشمر!
الذيب ما يذبح الذيب إمن النحر
لكن ابنادم على ابنادم كِدر!!
لا تلوم الذيب وتلوم الدهر!!
اوتترك المتهم والجاب القدر!!
شاهد ابدنياك مأساة اشكثر!!!
مو سببها الذيب سواها البشر