عم يقولو العيد 3 أيام..
عم يقولو أنو رح يمر على كل البلدان..
بس وقت يوصل ل"سوريا" رح يوقف ع الحدود..
رح يصفن مع حاله ويقول...
كيف بدي فوت ع بلد الأطفال فيو مو لابسين أواعي العيد ؟!!
ولاقي بكل بيت فيه حزن ع شهيد ..
كيف بدي مر على شعب ماضل فيه حدا إلا وخسر انسان غالي عليهن ..
ياترى فيني رجع البسمة اللي صرلها سنتين وشهور وايام ما ارتسمت ع شفاه حدا فيهن ..
كيف بدي ادخل ع شعب ربعه هاجر وربعه استشهد وربعه نازح والربع اللي ضل فيه.... كل يوم عم يموت الف موتة ..
وهيك ضل العيد واقف ع الحدود..
عم يفكر , كمل طريقي بدون ما مر ع سوريا !!؟ ولا مر ؟؟ يمكن اقدر حسن الوضع شوي ..
طيب إذا بدي مر كيف بدي اقطع الحواجز بكل طريق !!
طيب ممكن تأذيني النار اللي عم تشتعل على جوانب كل طريق !!
وهيك ضل العيد محتار ..مع أنو قلبو عم يغلي متل النار ..
كيف كل البلدان رح تعيد ..إلا سوريــــــــــــــــــــة عم تستشهد
الرحمة لشهداء سوريا .
رح نعيـد ونحنا عم نترحم ع دمائكم الطاهرة يلي سقت تراب هالوطن وهي عم تدافع عنه