رد: » ربما يأٺي يۋم أجد فيـﮧ| ما ضيعٺ في البح‘ـث| ع’ـمري • ♥
# سوالفنا
شوفت المدونات تتكلم عن الدراسه و الاستعداد لها قلت خلوني اشاركم طفولتي الجميله في المدرسه
بس هذا الموضوع ما يصلح لـ ضعاف القلوب من الحين احذركم اذا احد فطس من الضحك لا يقول سيلفر . .
في أول يوم من أيام عمري رحت المدرسه  و كنت صغير في هذاك الوقت يعني مره كنت صغير
قال ابوي لازم يا ولدي تصير رجال  و تروح المدرسه المهم رحنا نسجل في المدرسه كانت عباره عن بيت واحد من جيران 
مسلفه للحكومه ما كان في مدارس في الحاره دخلت المدرسه و اشوف الطلاب جالسين في الحوش 
جاء مدرس سلّم ع ابوي و قال هذا ابنك  قال ايه نعم ابني هذا شاطر و ذكي لكنه خجول شوي
قال المدرس مافي مشكله تعال يا شاطر اجلس جلست مع العيال كلهم صغار كذا مثلي و كلهم شاطرين 
يشاركو و ينشدوا و انا ساكت مطلّع ضروسي  و ابوي واقف قادمي قال المدرس ابنك ما يشارك الاطفال
قال ابوي و الله ما ادري وش فيه ساكت  و العيال فرحانه و انا نفسيه ما اتكلم  يسأل وش اسمك ما اتكلم بس عيني ع ابوي
لين جاني المدرس و مسكني كذا و جلس يسولف معي و ينصحني و راح ابوي و انا ما كنت ادري
اول ما خلص المدرس و انا أطالع في ابوي و الله مو موجود و أعطيهم الصرخه ههههههههه  و ابكي و ابكي و ابكي
يحاولو يسكتوني و انا اعيط  يقولو خلاص يا ولد و انا اعيط اتصل المدرس ع ابوي و انا اعيط قال تعال ولدك ما يسكت 
و جاء ابوي المدرسه اول ما شفته سكت ما صرت ابكي 
( ابوي ما شاء الله تقول معاه ريموت اول ما اشوفه اسكت و اذا راح ابكي خايف من الكف والله )
قال تعال سيلفر وش فيك يا ولدي و انا ساكت قال خلاص انا بأخذه معي البيت شكله تعبان الولد مو مرتاح
رحت البيت و انا اسولف و اقول وش صار و كيف الطلاب يشاركوا ( وينك طيب من بدري ما تسولف  )
جلسنا ثلاث ايام على هذي حاله كل يوم ابوي معاي لين قالو ابنك لازم يدخل الفصل و انا اعيط
قالو يا ولدي لازم تدرس و انا اعيط في النهايه صار ابوي جالس ع الكرسي بجنبي و طاوله
و صرت انا بجنبه و تسمع ابوي متحمس  ( أ إ أُ ) و انا برضو ساكت قال المدرس
يا ابني تكلم شوف ابوك جالس يتعلم صار احسن منك و انت ساكت
هههههههههههههههههههههههههههههههههههههههههههههههه
هههههههههههههههههههههههههههههههههههه
التعديل الأخير تم بواسطة S i l v ε r ; 09-01-2013 الساعة 05:50 AM
|