يا جماعة <<اخيرا بالعربي
اليوم احس بانتعاش شديد
,كذا كيف اقول لكم
زي شعور يوم تقوم شبعان نوم وتشوم ريحة خفيفة للمطر وتفتح الطاقة
وتفتكر ايام طفولتك وتشرب حليب شاهي مع تويست وجبن <<انصحكم به لذيذ
صرااحة ودي ارجع لايام الطفولة
ومن يوم ما اقوم واشوف نور الشمس انزل للحوش والعب بالدراجة الجديدة
والعب لساعات وما امل ابدا , ومن تأثير ناروتو كنت اكمل القصة من عندي (اوريتشيمارو سيقتل ساسكي,
يجب علينا اللحاق به هيا بنا, انا سأضع الخطة وإلخ)
وكذا وكنت العب حتى تصير الشمس حاره
وارجع للبيت واشغل الفيديو اشوف سالي والقناع و داي الشجاع
وبعد ما ترجع امي من المدرسة تنومني , واقوم العصر العب مع اخواني الصغار لاخر الليل
لعبة الظلام ولعبة الغميضة و كورة ونلعب سوني 2 كراش وبيبسي مان و تيكن والعاب كثيرة
ونسوي اندومي كل اثنين في وحدة ونسوي مصايب وناكل كلام عليها
احن للطفولة ما تشيل هم ولاشئ
ودي العب مع اخواني بس ما اقدر اتقبل حقيقة ان اخوي الي اصغر من اطول مني
احس بالوحدة قليلاً
.