اهلاً ؛ ويسعد مساك وصباحك ~ٍ

موضوع جميل آلف عافيه على طرحه ! وبتمنى دايماً اشوف مواضيع من طرفك ()

معك حق .. هدا سؤال كتير بينطرح .. هات اشوف شو بيطلع معي ؟!

فِ الأول أنا مش معك بأن اغلب كبار السن بيحكوا " احنا جيل فاشل" بالعكس كتير كبار سن بيحكوا " زمنّا صعب واصعب من زمنهم "

الشي اللي كُل كبار السن بيحكوه هو " زمان كُنا نحب بعض ونحب الخير لبعض ؛ نقترض اكل او حتى حبّة بندورة وخبز من جيرانا , نحزن لما حد يموت .. كانت حياه بساطه (بسيطه) "

لون نفكك هالجمله بالنسبه لواقعي وتجاربي :~

_ (محبة الناس ) انا بحبش حد وبكره جنس البشر لأن كثير من حياتي أتأذيت منهم للأسف {قهوتي ساده} ~

_(محبة الخير للناس) اللي بيتمنالي إيايها بتمناله ؛ واللي بتمنالي الشر بتمناله الضعف مليون مره

_(الاقتراض) وبحكيش عن المصاري ! لو كان ناقصني شي بالبيت ممكن اطلبه من جارتي ؟ الجواب {لأ} ليش ؟ لأن طول العُمر راح أضّل تحمّل جميله " انا اعطيتك وعملتلك وانتي جعانه وشحاده وفقيره .. أموت من الجوع ومن الناقص عندّي ولا أتحمّل جميله ؛ {الكرامه وعزة النفس بتذبح} ~

_ (الحزن ) احزن لما حدّ يموت ؟ بفضّل اتركه سر ~

وكل الشغله بالبساطه .. لأن كانت قلوبهم نظيفه ومفش حقد وغيره وكان همهم على قدهم ؛ ليش ؟ لأن مكانش في مستويات ... غني فوق فوق .. وفقير تحت تحت وهدا بخلي الكُره بين الناس ! لأن فش قناعه بأن كل شي بالدنيا نصيب ؛ بأن رزقتي قليل ~

{الجيل لا يُصلح لتحمل المسؤوليه }.. مش الكُل .. عن واقعي وعن اصدقائي :~
بالعكس تماماً متحملين المسؤوليه ع الآخر وأكتر من المسؤوليه ؛ بس الحظ مش معهم بأن يكونوا ناجحين { اللي ما إله حظ لأ يتعب ولا يشقى} ~

{زمن الأتكال على الغير} عن معارفي اطلاقاً فش اتكال ع الغير .. فقط بتكلوا ع نفسهم وبالسر حتى محدش يساعدهم ؛ بيجستهدوا فِ دراستهم ؛ بيشتغلوا حتى يساعدوا بقسوط الجامعات ~

{انتشار المحرمات } لأ لأ ع زمن اجدادنا واهلينا الكبار فِ العُمر كان زمان الناس جُهال فِ الدين ! لهيك مكانش في حجاب إلا قليل جداً اللي يلبسوه وكان كُل لبسهم قصير وكانت العلاقات الاجتماعيه بين الجنسين متواجده وع المكشوف لأن مكنوش يخافوا من بعض ومأمنين لبعض ومتل ما حكيت جهل بالدين ؛ معناتن هُما كان عندهم انتشار مُحرمات بسبب الجُهل ~

{انتاشر المُحرامات} ع زمنّا ؛ هي فقط لأن اصبّح في وعي ديني بأن اكتر آلآمور ع ايام زمان كانت على حسب معرفتهم أنها مش حرام بس هي حرام ~

{ضيق العيش} مش بإيدنا ! مش لأن جيلنا فاشل ! لأن حياتنا صعبه ؛ فش فرص عمل ؛ وارزقنا قليله ~

بس بهدا الوقت حياتنا جداً معقده وصعبه ؛ الأغلب ما بيرضى لأنه بينظر لغيره وبتحسّر ~~
ممكن تحكوا بأن انظر للأقل منّي ؛ بس بحكيلك قليل جداً تلاقي حد بينظر للأقل منه !

واد في كم واحد صايع وهامل وكم واحده دلوعه وغنوجه وتبعون الكورن فلكس .. هدول فاشلين لنفسهم مش إلنا !!

أحنا مش فاشلين ؛ أحنا بنكسّر الصخر لنعيش ~

غير انه مش كل كلام كبار السن صحيح ؟ ومش كل كبار السن بيفهوا بالدنيا ! صح في منهم الدنيا خلّعت سنانهم ؛ بس في منهم بيفهموش شي وظُلام ! بس عندّهم كِبر نفس ومعتقدات معفنه ~

هل عصرنا يحتوي على آمور جميله ؟ عن نفسي لأ ~

اذا شو الأستنتاج هو خطـأ بالنسبه لواقعي ومعارفي بعد كل الاستنتاجات أحنا مش جيل فاشل !

" عزيزي القارئ .. لا اهتم اذ كان ردّي طويل ؛ لا أحدّ أجبّرك على القرأه " ~