رد: لا تَعيشوا لِأنَفْسكم ِفَقَط .. بَل إحْمِلِوا هَمّ " الدين " ..!
السلام عليكم ورحمة الله وبركاته ..
واخيراا اخش مدونتي من لابتوب < الاخت ما عندها لابتوب
شكل المدونة غير شكل من غير الجوال
..
ع العموم كلنا ندري بالزمان وان لكل شي نهاية والزمن ايضا له نهاية وبالاخير احنا بنهاية الزمان
الاعضاء الله يبارك فيهم كتبوا عن هذا بالقسم الاسلامي بالتفصيل
ولو فتحنا قوقل وكتبنا كلامات الساعه مع يقيننا التام ان كل علاماتها الصغرى ظهرت
بنلاقي كككل الاحاديث الصحيحة
وكل شروحاتهاا وككككل التفاصيل موجودة فيها وكانها تقول اقرأني
وبرغم انه كل ما يمر علينا يوم نتاكد بحدوث ذالك لان اللي انقالت قبل صارت
والاكيد اللي ذكرت كذالك بتصير
بس اكبر مشكلة نعاني منها ككككلنا وهي الغفلة
انا الحين اكتب عن اخر الزمان
اقوم من اللابتوب وكانها صفحة وقفلتهاا واكمل حياتي عادي
طيب ؟
والخوف اللي حسيت فيه مع القراءة ..!!
والادلة اللي ارعبتني منها ..
.. اقترب للناس حسابهم وهم في غفلة معرضون ..
.. ان زلزلة الساعة شيء عظيم ..
.. يوم ترونها تذهل كل مرضعة عما ارضعت وتضع كل ذات حمل حملها وترى الناس سكارى وماهم بسكارى ..
ابدا تقفلت مع اللي تقفل اول !
واسحب نفسي واكمل حياتي
لمتى ..؟؟!!!
يعني لاازم تقوم الحرب عشان اعرف ان الكلام اللي قاله النبي صلى الله عليه وسلم صحيح ..؟
ولا اموت واشوف كل شي بعيني ووقتها لا توبة تنفعني ولا غيرها
لازم اكلها على راسي بحادث اي كان نوعه عشان افوق ..؟!!!
طيب ولو اني بشبه الايمان هذا وابتلاني ربي هل بأصبر واحتسب ..؟؟
ما عندي ايمان كيف بأنجح بالاختبار ..؟؟!!!
سرعة الايام ما تعطينا مجال للتسويف
بكراا ما يجي بكراا الا نهاية الاسبوع قربت ينتهي الاسبوع نلاحظ الشهر مر بسرعه
وكذا لين تنتهي السنة وحناا ما غيرنا شي
والاحداث بالعالم صارت تتغير بسرعه
تدرون ماتت امي الله يرحمهاا قبل لا تقوم الثورات .. قبل 6 سنوات
ومن بعد موتهاا .. مصر .. تونس .. ليبيا .. اليمن .. واعظمهم سورياا .. كل اوضاعهم تغيرت
كلهاا في 6 سنوات بسسس
الاحداث سريعه ججدا
ومافي وقت نضيعه ولا حتى ثانية
خلونا نراجع انفسناا
صلاتناا .. صيامنا .. كل اعمالنا .. نحاسبها اول بأول
الزمن رايح والله العالم وش بيجر لنا معاه
يا جماعه امريكاا تتنبأ باخر الزمان وان العالم بينتهي
تتدرس طلابهاا على توقع نهاية العالم باي وقت
واحناا لا زلنا همناا الدنيا
عني شخصيا يبيلي كككف جامد اصفقني فيه عشان افوق
وبداية التغيير تبدا بفكرة ثم قرار صادق ..
يا رب ياااا رب احسن خاتمتنا في الامور كلها .. واجرنا من خزي الدنيا وعذاب الاخرة
التعديل الأخير تم بواسطة رآقية ; 02-09-2014 الساعة 09:11 PM
|