وحشني اكتب بعضا من مواقفي ..

..

المهم خذوا سالفتي اليوم ..

غير اني اكلت مقلب في نفسي بالمنتدى وكل شي جا على جبهتي وكسرهاا تكسيرا جميلا

بس ما عليكم احنا ﻻزم نذكر الاشياء الجميلة ..

المهم زاد شوقي للبنات

لدرجة اني ادور وحدة توافق نجتمع عندها

والقروب كله وانا احاول مع وحدة تتنازل توافق تعزمنا

بتسالون ليه ما اجيبهم عندي

هم ما يحبون يجون ﻻن بيتنا غير ان البزارين رايحين جاين

فيه شباب .. + .. اخواتي موجودات غير كذا لو يحبون الارض ما تعبت نفسي على ضيافتهم

هم يبون سوالف لهم علي ما اخليهم دقيقة يسكتون

عاد راحت طاقتي في القروب وانا احاول

لين قالت وحدة خلو جمعاتناا بعد الراتب

وعاد لقيتها فرصة

قلت لها : والله ما نبي شي .. لو موية تكفينا وﻻ اقول حتى مويتي بجيبها معاي

قالت بشرط ..!!

قلت تم انتي اعلني العزيمة

وهنا قالت شي جلطني .. وندمت اني قلت تم ..

قالت سوي ورق عنب

وقتهاا حسيت اني مو انا اللي اتكلم وكل شياطيني صحصحوا

قلت تبون ورق عنب نقط في المقادير ونسويه ببيتكم انتوا شغالة ابوكم انا

.. قالت خلاص ما نبي وخليكم ببيتكم

رديت وجهي ذاك اللطيف الجميل جدا وانا اقول لها : خلينا نقط ونسويه عندك ومن عيوني

قالت تم

وانا مليت القروب كلمات مدح وحب

بالاخير قالت اشوف يوم واقول لكم

وانا بغيت اخش من الواتس واصفقهاا

لي ساعه اهري .. اقصد احاول بالاخير قالت تشوف يوم

انا ابي بكراا

وللان ادور وحدة غيرها وشكلو بكراا كمان مثل اليوم ..

والحمد لله على كل حال .. مرتاحين مبسوطين