بسم الله الرحمن الرحيم
’.. السلام عليكم ورحمة الله وبركاته ..’
في البدايه احب انبه عليكم ان هذي اول مشاركه لي بقسم الشعر
واحب اهديه لاخوي الكبير عليgb اللي صراحه تشجعت بفضل مايقدمه من مواضيع في هذا القسم
.
.
.
.
.
طبعا اي شخص يحب لابد انه يسمع اكيد لشاعر المشاعر وسيد الغزل وملك القصيد والانسان الذي يحتاج قاموس كامل لوصفه ووصف ابداعاته في الساحه الشعريه
الشاعر محمد بن حمد بن فطيس المري >>> والله والنعم
عشان كذا نقلت لكم قصيده صراحه تستحق تدخل ضمن المعلقات الادبيه الشعريه << الاخ متاثر جدا
يــــــقـــــــــــولــــــ :
يا شيـن طبـعٍ فيـك .. يا زيــن الأطبـاع
لولا الرجــاء .. ما كان خلّيته .. يفـوت
سَـنَـع .. يشـوّه لا تـذكّـرتــه .. أسـنـاع
مثل الحصاة .. اللي وسط عقد ياقــوت
تخـفي هيـامـك .. وإنت ميـّـت وملـتـاع
ما تـدري إنه في ملامـحـك .. منـحـوت
ويبخل لسانك .. وإنت للسمع .. طمّـاع
والبخل .. في سِلْم المحبيـن .. ممـقـوت
الحكي .. قوت السمع / وأسامعي جياع
ومسامـعي ماتت من الجـوع .. للـقـوت
وحكي الغزل في صدرك أشكال وأنواع
لكن صمتك .. حوّل الصـدر .. تـابـوت
إلا طَلَبتـك وصـل .. صعّبـت الأوضـاع
مدري .. من اللي درّسـك جعله يمــوت
تصـد .. ما كـنّـك من الصـد .. مـرتـاع
وإن قلت : يا القاطـع .. تلفّـت مبـهـوت
أقطع بـ دَرْب مواصلك في الشهر.. باع
وإلاّ إنت تقطع للوصل فـ السنة .. فوت
طعني .. وطاوع واحدٍ فيك .. ما طـاع
ناسٍ صغار عقول / وأشوار / وبخوت
وإلطف بحال اللي نحـل حاله .. و راع ..
قلبٍ جروحه .. تنزف أفكار .. وبيوت
قلبـي .. إلا منّه شـرى قـلـب .. ما بـاع
وإنت هالله هالله فيه .. والعمـر موقوت
اسمع أشعاري في الهوى وارخ الأسماع
ياللي غـلاك بـ تربـة القلب .. مكـتـوت
لا .. للفـراق .. و لا .. لتجديـد الأوجاع
ونعم .. نعم للوصل .. لو كان بالصوت
وسلامت الجميع
طبعا اكرر ان القصيده للشاعر الكبير محمد بن فطيس
تحياتي للجميع .