رد: لا تَعيشوا لِأنَفْسكم ِفَقَط .. بَل إحْمِلِوا هَمّ " الدين " ..!
الرياء لاعب فينا
قولوا معي .. اللهم انا نعوذ بك ان نشرك بك ونحن نعلم ونستغفرك فيما لا نعلم
القلييل منه يحبط العمل
وعلاجه دائماا بعبادات الخفاء
اسأل الله انه يثبت علمائناا ومشايخناا
..
امس كان الموعد المرتقب في اني احضر الزواج اللي تكلمت عنه
وتم حشري مع المبزرة كالعادة
من شياكة وطقطقة لازعاج اطفال والموقف التالي
المهم كنا ناكل انا ونواف < يبلغ من العمر 4 اعوام
وقلت له شيل الصحن وحطه بالمطبخ وغسل يدك
من اللفه يعني اذلف عني
الاخ راح
وحط شي طلع عليه يغسل وانا مندمجه اقراا
وشكله زاد الحماس عنده حبتين
شوي اسمع طرطشة مويه وهو يصرخ
ويجيني جرررري وكله يقطر مويه
واسمع صوت الموية قووووي من المطبخ
رحت انقذ الموقف محد كبير غيري البقيه كلهم وراعين وراقدين
الصنبور مدري الحنفيه عاد اللي تسمونه انتوا
احنا ولا واحد من ها الاسمين نستخدمه
المهم لقيته مكسور
والموية زي النافورة تخرج منه على وسط المطبخ
ولما افكر القى انو الخزان اللي فوق مليااان
المطبخ صار كلللله مويه اندفاعهاا كان مررره قوي
اسد المكان بيدي بس ما نفع ابد
وقتهاا مخي ضرب
واللي فقع قلبي نواف بنص الصالة منسدح وحاط رجل ع الثانية
ويقول بكل برود + سماجة انا اسف
اصرخ عليه واقول جيب الجوال
وكل ما تحركت يدي شعره جاتني اسهم حادة من الموية
اخذت الجوال بيدي الثانية وانا احارب
صحيح اني في موقف لا احسد عليه
بس هذا جوالي اللي يرشه بالمويه ارشه بالدم
دقيت ع الدعم والطوارئ وكل من جات يدي عليه
المهم ما جاء اخوي الا اني دبرت نفسي وسديت المكان
هو صحيح ان الموية لا زالت تصب لكن ع الاقل مو بنفس القوة ولا علينا
جا اخوناا وضبط الوضع
وتم حضر نواف من دخول المطبخ
والحمد لله جات سليمة
|