السلام عليكم ..~

بتمنى ما تستخدموا هاي الانواع من الخطوط لانها جد بتعمي وصعب قرأتها ~~

وكالعادة ردّي طويل -_-

بشكر صاحب الموضوع .. وبشكر المسابقة إلي جد حرّكت القسم واخيراً .. بس ما يتحوّل لزومبي بعد المسابقة .

كل شخص إله حُرية الرأي

؛

✓- برأيڪ مـآ ڛبب إنٺڜـآر هذه اڷظـآهرة في مجٺمعـآٺنـآ اڷـإڛڷـآميـۃ ؟

ما عندي سبب ! لأن كل واحد بيتصرف بتربايته وضميره ومخافة ربنّا !


؛


✓- خرۈج بعض اڷنڛـآء إڷےٰ اڷـأڛۈآق اڷبعيدة ۈ رڪۈبهن ڛيـآرآٺ اڷـأجرة بمفردهن

ۈ اڷرضـآ بدرآڛـۃ اڷفٺيـآٺ في جـآمعـآٺ ۈ مدآرڛ مخٺڷطـۃ مع ۈجۈد مدآرڛ ۈ جآمعـآٺ

خـآصـۃ ڷڷفٺيـآٺ ،، هڷ برأيڪ هذہ أפـد أڛبـآب اڷديـآثـۃ عند اڷرجـآڷ ؟



لما تكون الصبية فقيرة ومفش سيارة خاصة عند دار ابوها توصلها وتجيبها .. صارت قصة انها تركب سيارة الآجره لان فش بديل .. من اسباب الدياثة ؟؟ وين الغلط اد كانت البنت لابسة اللباس الشرعي وبتغض النظر واستدّعت بطريق خروجها ربنا يبعد عنها اولاد الحرام ونيتها صافية صار غلط ؟؟

معناتن الصح هو أضل البنت بدار ابوها ولا تركب سيارة الآجره حتى تتعلم وتقصد باب ربنا . أضّل أُمية وجاهلة حتى ما تركب سيارة الآجرة !! حتى ما تسبب الدياثة عند الرجال ؟؟

لما تكون هاي المدارس والجامعات اللي بتحكي عنها هي خاصة وبحاجة مصاري وبعيدة عن البيت .. الواحد يدفع اللي فوقه واللي تحته ويركّب عليه دين حتى ما يسبب الدياثة للرجال ؟؟

وجوابي هو لأ .. لأن البنت لو شو ما كانت لابسة .. لو كانت مش لابسة طالما الشب اللي قدامها اللي هو صاحب الآجرة عنده مخافة ربنا وبغض النظر بصيرش دياثة !

ولو كانت البنت عندها نيّة ربنا ولابسة اللباس الشرعي وشو ما كان الشب اللي قدامها من اسوء الأشخاص .. بصيرش دياثة لان البنت مستحيل تسمح لهدا الأشي ~

ف انا ضد ان ركوب سيارة الآجره والمدارس المختلطة من اسباب الدياثة ~

؛

✓- هڷ أنٺ مع أن اڷغيرة ٺڪمن عڷےٰ مـפــآرمڪ فقط اۈ عڷےٰ جميع اڷمڛڷمـآٺ ،،

ۈ أن من ۈآجبنـآ ڪمڛڷمين اڷغيرة عڷےٰ ڪڷ مڛڷمـۃ في ڪڷ مڪـآن عڷےٰ هذہ اڷـأرض ؟

أسمع هو صح من واجب الكل الغيرة على جميع الفتيات المسلمات بس بنفس الوقت اظن ان الكل براسه عقل وبعرف يميز الصح والغلط ! اد كانوا هدول المسلمات لسا مش واصلات للنور حلو تعطيهم نصيحة اد بتقدر توصللهم .. اد شوفت انهم انبسطوا كان بها واد شوفت انهم ما رضوا وبحبوش النصيحة معناتن استدعي من داخلك لان عندك الغيره ان ربنا يهديها وتخافش ربنا بهدي الجميع وبأكتر من فرصة ~

انا مع الغيرة ولكن تبقى داخلياً جوات الصدر ؛لان القصة مش بالمظاهر القصة بالنية وبدعواتك الصدرية ~


؛


✓- إن ڪـآن جۈآبڪ ڷڷڛؤآڷ اڷڛـآبق بـ نعم ،،

فمـآ مۈقفڪ : ڪنٺ في أפـد اڷڜۈآرع اڷعـآمـۃ اۈ دآخڷ إפـدےٰ اڷـפــآفڷـآٺ ۈ رأيٺ ڜـآب

يعـآڪڛ فٺـآة ۈ هي مٺضـآيقـۃ من ٺصرفـہ !!

كل القصة يا صاحبي بالتصرف .. ليش الكدب ؟ الشب ما بعاكش إلا اد بشوف وجه من الصبية .. تحكيش هي متضاقية .. مفش اشي بهيك قصص بصير غصب عن الواحد .. والشباب بلقطوها ع الطاير اد شافوا البنت مسكت الصنارة بعاكسوا واد شافوها رمتهم هم كمان برموها لان مش هي البنت الوحيدة المخلوقة ع سطح الآرض ! والبنات ابليس بقدرش عليهم ف بتقدر البينت ترفرف الشب وما بتكون متضايقة ... اد بتكون متضايقة هي فقط ثقلان على الشب اني مش سهلة ..!



؛


✓- ( اڷغيرة ٺعده بعض اڷنڛـآء ڪبٺ ڷـ פـريٺهـآ ) مع/ضد ؟ ۈ ڷمـآذآ ؟؟

مش فاهمة السؤال ؟؟ اه اه هلأ افهمت !!

كمان هاي شغلة عميقة وهي لازم الشخص اللي بغار يفهّم البنت ايش يعني انا بغار عليكي ! بعدين تعالوا اشوف اغلب البنات بحبوا غية اصحابهم وازواجهم عليهم خاصة اد بحبوهم .. بس بحبوش غيرة اهلهم عليهم مع ان التانين هم افهم !

بالنسبة إلي وهي تعتبر حُرية رأي .. بما اني صبية .. انا مع ان الغيرة كبت للحربة !
لاني من النوع المتسلط والمتحكم ف أكره ما عليّ اصحابي او آهلي يغاروا عليّ ؛ اسمع ليش ؟
لأن انا عارفة حالي غير انه إشي تاني اهلي ربوني وخلص اعطوتني ثقتكم ف انتم كمان ثقوا في وليش الغيرة عليّ من اشخاص مفش بيني وبينهم إي شي غير اني بشوفهم لدقايق بس ؛ وما ننسى الواقع اللي عايشين فيه اللي ملان نظرات وكل الحياة ملانة ناس فا بينفعش كل شوي تغار عليّ من فلان ومن علتان ما بتلحوقوا .. والبنت شخصية اد بتثبتها محدش بعمل قصص بتأدي للغيره .

؛

✓- من ۈجهـۃ نظرڪ: هڷ ٺرے أن اڷديـآثـۃ في عدم مرآقبـۃ اڷفٺـآۃ ڷـ ڷبـآڛهـآ عند خرۈجهـآ

من اڷمنزڷ ڛببـاً في פـدۈث اڷمضايقـآٺ ۈ اڷٺـפـرشـآٺ في أۈڛـآط مجٺمعنـآ اڷعربي ؟

انا حكيتها قبل هالمره وهي كل واحد يعمل بتربيته وبأصل ويصفّي النية فا ما تخافوا ربنا ما ببعت اصحاب السوء للقلوب البيضا وحتى لو بعتهم ربنا وملائكته بتساعدهم لينشالو من هيك قصص !

لأ .. انا بدي اعرف ليش قصة الملبس هي سبب كبير بنظر الكل ... الشب مين ماكنت قدامه وشو ماكنت لابسه بيعمل بأصل وبغض النظر وبدّعي بصدره بالهداية للبنت وبس ~


✓~ مڛـآפــۃ פُـرة ~

موضوع حلو .. بس حسيت ان الموضوع بحكي بأن الصبية هي سبب الدياثة عند الرجال .. وبيحكيش بإنه الشب المؤمن بيعرف يتصرف لو مين ماكنت البنت القدامه وما بيضعف بهيك قصص لان بخاف ربنا ~

وغير انه ما لازم نضلم الصبايا ونحكم على اي حد من لبسه حتى لو ما كان ع الطريقة الشرعية لان احنا بنظن العاطل فيهم وممكن يكونوا اشرف من اصحاب اللباس الشرعي ~

وحلو بأن اهلنا يغاروا علينا بس ما يوصلوا لمرحلة التحكم والكبت لان بخلينا نتمرد ونعمل عكس ما بدهم لان تحكمهم خلانا نكرهم وكل شخص بنكرهه بنردش ع كلامه .. ف حلو ان الآهل يستخدموا الطريقة بمرونة تخلي اولادهم وبناتهم يتقبلوها ~

وأهم شغلة ربنا بنساش حد من عباده .. ف ما تخافوا يا اهل اد شوفتوا بناتكم عكس امنياتكم . استدعلوهم بالهداية وراح تصير عن قريب ~

الله يهدينا ويصبّر اهلنا علينا .. لانا بواقع صعب ومحدّش بيرضى بإشي والكل بده يكون رقم واحد !

وشكراً