~

؛

موضوع قصته منتشره بشكل كبير بالعالم العربي ؛ صارت المحاكم تشتغل بالطلاق اكتر من زواج وامور تانية !

للأسف أنت ما اتعمقت بالموضوع .. وما ضفت رأي الأسلام فيه !! حتى الأسئلة بسيطة !

ولو شملت الموضوع بشكل عام كانفصالات العلاقات لان بوقتنا صارت في علاقات اتم بدون جيزة وزواج وبيحدث انفصال !

الحب والغرام بين الشباب والصبايا ع النت وع الواقع بدون معرفة الأهل وانا مش ضده ~

؛
إجابة السؤال الاول والتاني والخامس ~

في رأيك ماأسباب ظاهرة الطلاق؟

الفقر :~
احنا بزمن بنتطلّع لفوق فا صارت اغلب الصبايا ينظروا على مستويات غير اللي هي عايشة فيه مع جوزها ! وبالنسبة للرجل فش فرص عمل لهيك فش مصاري ؛ اد انت مش قد المسؤولية اوعك بحياتك اتفكر تتزوج ~

الحُرية الزيادة :~
كمان اغلب الصبايا بدهومش حد يتحكم فيهم والرجل لانه رجل وزلمة بيرضاش بعض التصرفات وبعض الطلعات اللي مش ضرورية بنظره للزوجته ~

الأهل والأصدقاء والمعارف :~
الكلام اللي ملوش دخل بالموضوع ؛ فلسفة هدول الناس ؛ الفساد بنشر كلام سيء ؛ باللغة العامية هو القال والقيل ~

العقل وأختلاف الأفكار :~
بسبب اختلاف عقل الزوجة عن الزوج وافكارهم ومعتقداتهم ؛ هو بيكون مع الشغلة وهي ضدّها وبالعكس ؛ ومين اللي بده يمشّي رأيه ~

الزواج بفترة السن الصغير ؛ وعن طريق حُب المراهقة :~
اد كان عمر احدهم ضغير بكون لسا عقله مش واعي لامور وبكون جاهل ؛ الحب والتضحية بسبب كلام بطير بالهوى ؛ وبعد الصحوى بيكتشفوا إنهم كانوا "زلة" لبعض ~

وملان ...~


يا صاحبي اسألتك مكرره ؛ نفس مفهوم السؤال بس طريقة طرحه مختلفة ~~

؛

ماهي مقومات السعاده الزوجية؟

مقوامات كل شي بالدنيا مش بس السعادة الزوجيه هي :~
الصدق والثقة والقناعة؛ طول ما انتَ بتكدبش وين روحت وشو عملت ؛ مع مين كنت ؛ انا متأكدة كل شي بنحل !
طول ما الزوج والزوجة بيحكوا لبعض وبيفتحوا عقولهم وقلوبهم مع بعض ف بنتهو بدون مشاكل !
حتى لو كانوا بحبوش بعض .. لان ربنا حكى " يجعل بينهم مودة ورحمة" ما حكاش حب وعشق !

؛

بريك كيف نقلل من ظاهر الطلاق؟

هدا اهم سؤال ؛ وقت التعارف او بعرفش شو تتسمى بالدول التاني ؛ هي فترة اول مرة بيجي الشب وبشوف الصبية وبيجلس معها يحكوا ؛ تكزبش عليها ؛ حتى لو فيك صفات سيئة احكيها وما تخبيها ؛ وكمان بالنسبة للصبية ؛ ما تخافوا من الطرف التاني يرفضكم ؛ لان اد في نصيب بيصير غصب عن الكل !
حتى لو كنت مجبور ع الجيزة ؛ حتى لو كان قلبك معلّق بشخص تاني ؛ حتى لو إلك زلات سابقة بحياتك .. لأن ليش من أولها تبني القصة على الكدب ..~


؛


حابب احكي بمشاحة حُرة :~

بشكل عام اد الصبية من النوع اللي بترضى بإي إشي والشب كمان ؛ وعندهم مقدرة على التحمل والصبر شو ما كانت صفات شريك عُمره سيء ف انا بحكيلك مثواك الجنة ان شاء الله ! لأن الطلاق هو ابعض الحلال عند رسول الله عليه الصلاة والسلام . وانتم اتحملتوا وصبرتوا ~

واد انت من النوع اللي ما بعجبكش إشي لو كنوز الدنيا ورمنسية العالم ؛ مأخد الجيزة وشريك عمرك بمهزلة فا بحكي الله يهديكم ~

وانا بالنسبة إلي بفضّل قصة الجيزة والجوزا محدش إله فيها ؛ كل واحد يتحمّل اختياره ؛ وكل واحد عارف نفسه اد ممكن يتحمل او لأ .. وانا ضد كتب الكتاب بعد اول مره من الزيارة .. لان الواحد بنعرفش بس مش جلسة واحدة !

؛

شكراً لطرح الموضوع وبالتوفيق بالمسابقة ()