السلام عليكم :~

موضوع حلو ؛ وأنيق ؛ هادف ؛ وعطوله إلا ان لهجتك وطريقة طرحه بتسهل الآمر !

؛

أنا مع العمل التطوعي بشكل كبير للأشخاص اللي ظروفهم بتسمحلهم ! لأن كتير ناس ظروفهم ما بتسمحلهم ؛ وممكن يواجهوا اعتراض من الأهل ~

فا أكيد انا مع أي حد عنده المقدرة ولو حتى ان الفكرة خاطره بباله يعمل عمل تطوعي لو كان بسيط ؛ اللي هو بشكل عام تقديم المساعدة ؛ وبلّش بشخص واحد ؛ اد لقيت أي شخص بحاجة المساعدة دوام ع مساعدته لأن إله اجر عظيم ~

بالنسبة إلي مارسته لسبب واحد فقط وهو لإجل الثواب من ربنّا ؛ ما بهمني اكتساب خبرات او زيادة الثقة بنفسي او القدرة ع تحمّل المسؤولية او إي إشي تاني ؛ أول إشي لان مش بحاجتها ؛ تاني إشي هو هدفي أجره للآخره مش في الدنيا ؛ بحب اعمله بأوقات بحس أني جد بحاجة اعمل اعمال لتعويض على سيئاتي ~

مارسته في مركز للمُعاقين الله يشفيهم ؛ طول عُمري من اول ما اوعيت ع حياتي وأكتشفت هدا المركز ؛ في فترات بتوقف ؛ وفترات بلتزم ؛ والآن انا متوقفة ~~

ممكن اول ما تبلّش العمل التطوعي خاصة لمُرضى ما تقدر تتحمل ؛ بالنسبة إلك عملك التطوعي هو مدارس ومؤسسات بين اشخاص صاغ سليم !

اد بتسألي نفسي امارس عمل تطوعي مُعين ؟
فا جوابي هو اه واللي هو أُمنية حياتي هم شغلتين :~
الطوارئ في سيارة الأسعاف او الدفاع المدّني
في مركز للصَم والبَكم


؛


آلف عافية لطرحك الموضوع ؛ لأن من فترة مش شايفة موضوع هادف وواقعية بنفس الوقت ؛ كل المواضيع هدا حرام وهدا حلال كأنه القسم العام والنقاش هو قسم إسلامي ؛ هو حلو تحكي شو رأي الدين بالموضوع بفقرة فقرتين ؛ نصحية لكل الاعضاء واغلبكم بحبهاش ؛ حاولوا اضيفوا مواضيع واقعية من واقع الناس اللي هم وسط المجتمع وأقل مش اغنياء المجتمع ؛ مش اللي بالهم هادي ومعندهومش هم الإ بس حلقة انمي ولا قال وقيل ..~

؛

ولعلمك يا صاحبتي بشكل عام موضوعك فيه حرام ليش ؟ لان عندهم ممنوع الأختلاط !! محدش بيحكي بأن زوجات الصحابه رضي الله عنهم جميعاً كانوا يساعدوا وقت الحروب بالأكل ؛ طب هدا مش اختلاط ؟؟ ليش بفكروش بأن "صفّي النية " ليش بيحكوش " غض النظر " يعني الناس اد كانت مصابة ولا معاقة ولا بحاجة اي مساعدة ؛ بس لان ممنوع الاختلاط لازم اشوفها بتتعذب قدامي واحكي " ممنوع الاختلاط ؛ ما لازم اقدملها مساعدة "؟؟

انا ما بساعد ع الاختلاط بس انا بحكي ظروف حياتنا ملانا اختلاط بس انتَ كل شي بتعمله دايماً حط ببالك بأن ربنا شايفك وبعرف شو اللي جواك ..

سامحيني اد بتحبي ؛لأني دخلّت إشي ع الخط بس كله لأجل ان الناس ما تشوف أن العمل التطوعي غلّط ~