؛
أحسنتِ الإختيار ؛ مع اني ضد المواضيع الإسلامية حتى لو كانت نقاش تضاف بقسم النقاش ؛ إلا انك ضربت وتر حساس بحياتنا ؛ ضربتِ آمر منتشر بشكل كبير ؛ لامستِ موضة دارجة وإنها هي بنظرهم الله يهديهم جميعاً إشي يفتخروا فيه ~
وأنا راح احكيلك الأستايل تبعهم هالكم واحد اللي شوّهوّ بلدي ~
طبعاً الشباب او نحكي هم تجاوزو مرحلة الشباب ليصلوا لمرحلة الرجل والطقاعة بهيك رجال ؛ بلبسو على روسهم "قُبعة" هي قُبعة الرسام ؛ وجاكيت طويل ؛ تصرفاتهم أنهم فلاسفة عصرهم ؛ أنهم حاملين بقلوبهم وعلى ظهورهم هموم العالم ومآسيها ؛ وهمهم هو كيف اكون متميز ما عليّ إلا اكون ملحد لان محدش ملحد ؟
شو هالنقص تبعهم ؟
وكتير منهم بيستدرجوا الفتيات بكم خاطرة او مقولة من كم فيلسوف ! وبيستخدموا فكرة القرأة بشكل كبير ؛ " أنا عندي مكتبة بالبيت شو رأيك تزوريني " لأن كل واحد معفن بيقرأ كم كتاب خلّص استغفر الله شو بصير ؛ بصير هو !! الله يهديهم بس ~
وببلش يتفلسف بمعتقداته بالدنيا وبهبله اللي زي وجهه ~
اما البنات فهم الضعاف اللي بصدقوأ هدول الرجال ؛ اللي بالأصل قبل ما يعرفوا هدول الرجال بيتغير عقلهم من الضغّط ؛ من وقوع بين إيديهم اشياء ما لازم تنقرأ ؛ بين صُحبة ملانة بهيك أشكال ~
وانا بحكي هاي الآمور من اشخاص بعرفهم بالواقع وخارجه ! بس بالواقع بشكل كبير ! فتيات + شباب معفنين ~
؛
اول مره بسمع " ساعة لقلبك ساعة لربك"
ليش نستنى عدة أجيال ؛ انا بسنّي في مُلحدين !! ومقتنعين كل الإقتناع بهدا الآمر !
ما حدش اهان صاحبة او انبياء ؛ هم استغر الله مش مؤمنين ؟؟
بالزبط ؛ الله يقطع الرأي والتخلّف اللي ماسكين فيه وهو حرية الرأي ؛ حبيبي انتَ حُر اعمل شو ما بدّك وحرر رأيك لوين ما بدك ؛ بس الدين ابعد عنّه ؛ ابعد عنه ولك ؛ لعلمك ربنا بطوّل بعمرك لتكسب سيئات ولتغوص بتخلفك يا معفن ؛ لتوصل لمرحلة انتَ بنفسك ابليس .. وبرجع وبحكي الله يهديهم !!
؛
.. ما الأثار المترتبه على صمت الجميع في وقت اصبح يهان الدين فيه ..!؟
زيادة الألحاد ؛ مفش دين اعرف مفش انتَ ! احنا الشباب لازم بصلاوتنا نستدعي الله يهدي الملحدين ع الطريق السليم ؛ لازم نستدعي من صموصمة قلبنا ؛ لازم نحس ونستشعر بإن هدول راح يطلعوا من دنيتهم لآخرتهم كفّره .. كفّره !! لازم نبكي واحنا نستدعي ؛ لازم نستدعي الله يبعد عنّا هيك عينات وعنا اهلنا واولادنا ~
؛
هل برأيكم من يفعل ذالك هم عملاء لمخططات بعيدة المدى ..!؟
أكيد في الأصل هدول الشباب اللي مش واعين كانوا تجارب والات لاشياء كبيرة المدي ؛ فأر تجارب وآلة لنشر هيك قصص وتفشي الآمر وبعدها الله لا يردّك ؛ كيف بترضى ع حالك يا ملحد تكون فأر ؛ تكون آلة .. كيف ؟
؛
.. هل هناك امل في ان يتغير واقعنا هذا ..!؟
لأ إلا بالدعاء ! احنا امهات وأباء الاجيال لازم نربي اولادنا ؛ لازم نوعيهم ؛ لازم نفهمهم بأدلة وأثبات من هو ولد صغير ~
؛
.. الا تظنون اننا مستهدفون ..!؟
هه أكيد أكيد
؛
.. لو رأى مايحدث الان .. ويرى الصمت المخيم .. ماذا سيقول .. !؟
.. كيف تقنع ملحدا بوجود الله .. !؟
مقدّرتش بصراحة ؛ حاولت ؛ حاولت لدرجة انكرهت وهدا اشي مش جديد عليّ بس حاولت ع الفاضي ؛ بس بستدعي بكل صلاة بكل قرأة قرأن لأن في منهم بعزهم وبتمنى لو لنهايتهم يوصلوا لمرحلة انهم يوعوا ع حالهم ويرجعوا مسلمين ! يا رب
؛
كان نفسي يكون بأستلك ؟ شو سبب الألحاد بنظرنا ؟ وقابلت حد مُلحد ؟
سبب من تجارب من اشخاص على الواقع :~
_ الأهل ؛ مرات الشدّة بتأثر بدرجة كبيرة "لاني ضد هالمعتقدات اللي بتمشوا علي يا آهلي ؛ شو هاض كل شي ممنوع؟ " الرخوة كمان الأهل هم بنفسهم مش مسلمين إلا بالهوية لأن منهم متزوجين اشخاص غير مسلمين ف كيف بالله بدهم يطلعوا اولادهم ؟
_ العقل الصغير ضعيف الإيمان ولانه ضعيف ؛ ببحث على إشي يعبي النقص وللأسف بوقع بهيك آمر .
_القرأة الغلط ؛ اختيار بعض الفلاسفة والكُتب اللي بتدعوا لهدا الآمر .
_ اي شي بنشر هاي الامور ع النت او ع التلفاز خاصة ببرامج الأطفال .
_ الملل وتجربة إشي جديد .
_ الميتل ؛ مع اني بظلم الميتل اد بحكي كل الميتل فيه إلحاد ؛ لأ هو في جزء منه وفي منه جزء ابداع بالنسبة إلي ..~
؛
قابلت أحد ؟؟
أكيد ولا شو بعرفني كل هالآمور اد ما قابلتش حد ؟ المشكل فيهم ان منهم بيضحكوا ع حالهم ! يعني بالله فتيات لابسات لبس شرعي وهم ملحدات كيف صارت ؟ طب ما انتِ مش مؤمن ومش سائلة وبتخفيش ؛ كيف لابسة ؟ كيف لليوم مش معترفة بهدا الإشي لآهلك ؛ من شو خايفة ؟ اد انتِ عنجد ملحدة كان ما خوفتي ع حالك من اهلك لان بتحكي الصح ؟ معناتن انتي بتعرفي انه اشي غلط لهيك مش ناشرته ع الملأ ؟؟! انا ما بحكي انشريه ! انا بحكي ارجعي لعقلك !
؛
شو الحل ؟ الدعاء هدا اد صار مُلحد وجربت طرق الحكي معه ؛ بس بحكيلك " التربية الصح خير من الف علاج " يا اهل انتبهوا يا ولادكم ؛ كونوا اصدقاء اولادكم وفتياتكم ؛ دايماً جمعات ونقاشات مع اهلكم واحكوا ؛ افتحوا ع دروس دينية بعض المرات حتى ما تزهكوا اولادكم وخليهم يشاهدوا معكم ؛ انتم قدوة اولادكم وانتم مش عارفين هدا الإشي .. انتبهوا ع تصرفاتكم قدامهم ! ازروعوا الصدّق والثقة والله بحميهم يا رب .. يا رب تهدي جميع المسلمين وين مكان .. ويا ب تنصرهم على اعدائك يا رب ~