07-15-2010, 10:22 PM
|
 |
|
|
رقـم العضويــة: 50264
تاريخ التسجيل: Jun 2010
الجنس:
 العـــــــــــمــر: 30
المشـــاركـات: 3,057
نقـــاط الخبـرة: 13
|
|
صدك تقبل حبيبي لغيري هسة تصير
صدك تقبل حبيبي لغيري هسة تصير وصدك مليت مني وبعد متحبني؟؟؟؟؟
صدك هانت عليك سنينة الحلوات وماهانت عليك شلون تتركني
لك من يمتة المذاهب نحسب الهة حساب ومن يمتة الطائفة جانت تهمني
انة لمن عشكتك ماسألت الناس ولاجنت اعرف اصلك شيعي لوسني
شجاك تغيرت وبكلبك انت اشصار جنت تموت بية وجنت تحبني
وجنت اتنفسك وانت الهوا ابدنياي وجنت لوتبتعد لحظات تخنكني
معقولة الورد ينكر جميل المي وانت بهالسهولة تنازلت عني
ماانكر مقصر جنت فترة وياك لكن موبدية الوكت يجبرني
لك شفت يمك نفط وبين اديك الماي وانة بناري اشتعل ردتك تخلصني
لكيتك بالعكس مايك شمرتة ابعيد وجبت النفط بيدك حتى تحركني
شسولفلك بعد طعم السوالف راح ردت منك توافي وخيبت ظني
ادري الوكت هو خلة كلبك هيج وادري الطائفة الباكتك مني
وقبل لاتبتعد عندي سؤال ارجوك فكر وية روحك وعود جاوبني
باجر لومتت وتشوفني بتابوت هم تبجي علية وبعد تذكرني؟؟؟؟؟
|