سلام عليكم ...
كيفكم أحبابي إن شاء الله تمام ..
اليوم كان عندنا ( إيوه كان ياماكان ) وأنا حزينه إني ودعت هذا اليوم تدروا ليش
أنا أقولكم ( صارت حتوته
) اليوم أطلقنا يوم العالمي للفلة
وهو يوم
لعب المفتوح ( أستأجرت الروضة نطيطات و زحاليق و بالونات ) لصغار للعب و تسليتهم
قبل الأختبارات والحفل الختامي ( ما أدري كيف أقولها ما يطاوعني قلبي
) ...
المهم أني قلت لصغيراتي لا تغيبوا ولا وحده منكم فيه مسابقات و هدايا و ألعاب خياليه
طبعاً تحمسوا البنات ( و أنا أكثر
) ( فيه نطيطات ياربع فيه نطيطات
) ولما جاء
اليوم عديت صغيرات ولقيت منهم ثنتين غايبات
حزنت بس وصلني أنهم مريضات
عافهم الله وحده مسويه عملية لوز وثانية عندها ربو ما تقدر تلعب كثير تنكتم
قلبي عليهم الله يشافيهم و يعافيهم
...
كملنا الفلة مع بقيت الصغيرات و قلت لهم ألبسوا بلايز و بناطيل من زود المخفة
لبست بنطلون تحت التنورة ( تعرفوا لما تجي فزعة ولا شيء أكون في المقدمه
)
يعني لو شفت المشرفة ولا المديرة أن شغلوا قمت أنا ونططت
هههههههههه
ما علينا لعبوا البنات و أنبسطوا و كل ما جاء دور وحدة من البنات فصل الثاني تلعب أصرفها
عشان بناتي ياخذوا النصيب الأكبر ( حركة نذاله أنا عارفة
) المهم صغيرات القمورات
البنات الصغيرات عصبوا علي وراحو يعلموا معلماتهم ... جو عندي وأنا أسوي نفسي
مؤدبه و مضحية قالوا يا معلمة قلت : لحظة أنا مشغولة أعلب بناتكم وأنتم فين أنا تعبت
تعالوا و أقعد أصرف و ضيع الموضوع لما أنشغلوا عني ( البنت حيالة
) ...
ولما تجي وحده تعلق ولا ما تعرف تنزل من الصغيرات أنط أنا مثل (بات مان
) كأني أنقذ
وأنا قاعده العب
...
و لما داخوا بناتي و تعبوا قالوا: معلمة خلاص جعنا قلت : لسى اللعب بأوله يله نروح ناكول
وخليت صغيرات عند باب الملعب يراقبوا و أنا بدوري أنطط ( مهبوله
) ...
وصلت البيت متكسرة أمي قالت أكيد انهبلتي في الروضة
هههههههه
يله هذا يوم ثاني من حكايات أيامي في روضتي الجميلة ....
يله كذا توته توته خلصت الحتوته .... تصبحوا على خير
قبل كدا أشكر متابعيني و متاباعتي على المدونه ( مصدقه نفسها 
)
و أنا راح أتابعكم ليس لرد الجميل فقط بل أن مدونتكم عاجبتني 