السلام عليكم ...~


بالبداية يا صاحبي عامل كل الموضوع على صورة واحدة كبيرة بتئد ساعة تا تحمل ؛ انتبه لهاي القصة بمواضيعك الجاية ~

؛

اختيار موقف وجميل وهو "المرض النفس " لانه دارج بالهدنيا بس مخبى ! والاحلى عم تحكي عن الحقيقة وعن الوهم !

بشكل عام كل الخرافات اللي قرأتها بعرف انها خرفات ومع هيك انا ضد معالجة المرضى النفسين لان هم ما بعالجوهم هم بس بعطوهم مخدر ! حد سمع عن شخص دخل مشفى المجانين مع احترامي طبعاً وطِلع ..؟

خلص المرض النفسي ملوش علاج لان العئل بس يخرب بيتصلحش .. هم بس بعطوهم مخدر ! وبيعملوا عليهم تجارب كأنهم فيران !

؛

راح اعلق على بعض الخرافات وعلى بعض الحقائق وكل شخص إله حرية التعبير :~


اد بدنا نحكي عن شويت اكتئاب اويأس او مزاج سلبي هو جنون ومرض نفسي معناتن 99% من الناس مراض نفسين ؛ لان ما اظنش حد ما اجهوش الاكتئاب او اليأس او ابسط اشي وهو المزاج السيء ! بس الحمد لله رب العالمين انه احنا مسلمين ومعندناش فراغ روحي وهدا سبب رئيسي انه الحمد لله فش انتحار إلا ئليل للأشخاص اللي مُلحدين او بالفعل مرضين نفسي ~

ايش هالخرافة بان " المرض النفسي سببه علاقة عاطفية فاشلة " ههه لهدرجة الناس عئلها صغير تروح تقتل حاله وتموت كافرة عشان ما اخدتش اللي بتحبه ؟

المرض النفسي هو مرض وراثي متل ما الحقيقة بتحكي !

لحظة لحظة الاضطراب ثنائي القطب هو مش نفسه الاكتئاب !! هداك بواد والتاني بواد ؛ اد حد وصل لمرحلة ثنائي القطب معناتن هدا مريض نفسي والورائة الها دخل ؛ بصيرش مريض ثنائي القطب من الاكتئاب ؛ واهم شغلة وهي الاكتئاب حالات والحمد لله ان الناس العادية عندها خفيف ومؤقت فقط عكس ثنائي القطب ~

أكيد بأمريكا الانتحار مشكلة وبكل دول الكفار ؛ متل ما حكيت ئبل فراغ ديني ~

أكيد انا مع خرافة ان المرضى خطيرون !! لان الدوا هو بخدرهم حتى ما يفكروش حتى ما يقتلوش او يأذوا ؛ طب انا شو بضمنلي انه ماخد دواه .. ارمي حالي عليه حتى أأكد هاي المعلومة ؟

المعالجة الكلامية إلها اثر اكيد للمرضى لان بنوموهم مغناطيسي ولانهم بلعبوا بعئلهم وبوهوموهم انهم شخصيات تانية .. بس العائل اللي بأُثرش الكلام عليه ~

بخصوص اقسام الاطفال ! اولاَ اد الطفل مكانش ورش وسلوكه سيء اكيد هو بنظر اهله مريض واهبل لان مش من عادات الاطفال انهم هادين لانهم مش واعين ان سلوكهم السيء بيزعج اللي حواليهم ؛ والطفل بده يكتشف العالم اللي حواليه .. يعني هلكيت كل الاطفال مجانين لانهم كترين الحركة

بالزبط لسن البلوع ولبعده كمان لوقت ما يوعى ويفهم ؛ وللأسف الوعى بالدنيا بده وئت !

هلأ التلفزيون والاكل ملوش دخل ؟ والله هالعلماء جننونا مرة بيحوا هيك ومره بيحكوا هيك ؛ احسن حل ان الواحد ما يردش عليهم ؛ غير انا مع بان التلفزيون اله اثر كبير على افكار الطفل وتصرفاته لانه مش واعي ليميز الصح من الغلط ؛ واد بتشوف شو هالقنوات بتبث من اشياء فاسدة ؛ اشياء تعلم اولادنا على ئلة الادب والوقاحة ف انا بحكي بلاه هالتلفزيون ~


؛

شكراً لطرحك هيك موضوه حلو وبتمنى اشوف مواضيع تانية من حضرتك واوعك تعيدها وتحط كل الموضوع بهيك صورة ساعة تا تحمل ويا ريت بعد التحميل تطلع كل الصورة ~~

()