السلام عليكم من جديد ..~

فلم اليوم مكنتش متوقعة طول عمري اني اوصل لمرحلة اشوف فلم هيك ئديم ؛ يعني حملت الفلم وخايفه من مشاهدته .. ولما شوفته ما اندمت من مره .. ~

الفلم بالابيض وبالاسود أكيد لأنه ئديم وطول الفترة وانا اشوف فيه ضل ابوي ببالي الله يطول بعمره ~




سنة 1957 ؛ بتصنيف دراما ؛ بأبطال بعرفهمش




قصته ؟

الفلم بحكي عن اجتماع 12 رجل من هيئة المحلفين بغرفة واحدة ليقرروا على شب عُمره 18 سنة قتل ابوه بانه مذنب \ غير مذنب ! ولازم يكون القرار بالأجماع طبعاً ؛ لهيك كان تصوير اغلب الفلم داخل هاي الغرفة بس شويت مقاطع ما بتشمل الغرفة ..~



مجرياته ؟

طبعاً الفلم دراما رهيب على الاخر ؛ هدول 12 رجل حسيت أنه كل واحد بمثل جانب من الحياة ؛ وكل واحد بكون قراره حسب مبادئه والاشياء اللي اتربى عليها وعاشها يعني قرارهم مش لمصلحة الشب .. كأن كل واحد عنده عقدة من إشي بده ينتقم منها من خلال الشب !




بديش احرئ مجريات الفلم غير ان 1 من هدول ال 12 بخالفهم برأي وهون ببلش الحماس بالفلم بان هدا ال (1) بده يقنع ال (11) فا شو راح يصير ؟ راح يئدر وكيف ؟



حتى الفلم ما ذكروا اسماء شخصيات كان اسمائهم ارقام إلا بأخر الفلم ذكروا اسم شخصين ..~
وال (1) ينعن شكله ئديش واعي وعنده انسانية وبفكر بطريقة رهيبة .. عنده مقدرة على الاقناع بإشي بخوف



بيأخد معي 9 ونص \10 النص التاني لان الفلم فش فيه اشي شخصي ..~
فلم دراما حماس رهيب وفي منه نسخة 1997 بابطال رهبين راح اشوفه بس يصحلي وئت !


وشكراً وبشوفك بالايام الجاية ~