؛

السلام عليكم ... واهلن بعودتك يا مُتعجب !

احب ما عليا مواضيعك وخاصة لما تدخل بالقصة بدون اي مقدمات .. وهلأ دوري ..~

؛

بشكل عام القصة حلوة بس مش رهيبة ..~

جريمة قتل غيرت من فكرة بطلنا بالدنيا ..

خليني شوي اتعمق .. ~

نبلش بالعنوان ؛ وانا اقرأ فكرت راح يكون اسم الطفلة احزان ؛ غير انه عجبني "صخور الملح " لانه قسوة وضعف بنفس الوقت .~

بخصوص تنسيق الموضوع ؛ بتمنى تعرّض من الفقرات وتنتبه لان عن نفسي وانا اقرأ بفكر ان الجملة انتهت بهدا السطر وهاي الفقرة بس بتكون الها تكملة ؛ بتعرف هدا الاشي بخلي سلاسة بالقرأة .~

في خطأ املائي بسيط وهو بالفقرة اللي بتكون بدايتها "مشينا بإتجاه المسجد " اخر الفقرة كلمة (وبعدها) مش موجود حرف الدال .

هاي كلمة "حلزوني " هي اجمل ما في القصة عندّي .. رهيبة ! بتمنى تكون قاصد فيها اللي انا افهمت وهو الدنيا دوارة ؛ بنلف بداوير ..~

لهيك احسنت اختيار الأذن من اعضاء الطفلة .

" فالزمن عنصر ثابت ونحن العناصر المتغيرة " صح !

عجبني بطل قصتنا اللي غير من فكرته بالدنيا وانه ما يلعنش اشي بصير معه .. زي كأنه صحي على حاله وهو " ولا اشي بهم بالدنيا ؛ الناس بكل بساطة بتقتل "

بعرفش يا صاحبي .. قصة حلوة وبترضى الكل .. بس مش ذوقي !
بحبش النهايات السعيدة
بحبش لما تحكم على تصرف الناس ونحاسبه
بحبش الخير بالقصص

ونّدر .. عندك مقدرة على الابداع .. اتعمق يا صاحبي .. ضيف الجنون .. ادخل على زاوية مفش رقيب عليك .. اسرق من شيطانك شوي .. وركز على النهاية .. غامضة او مفتوحة حتى تأثر على القارئ .. انا بستناك لتوصل لهاي المرحلة ولان متاكدة راح تظهر عمل رهيب .. رهيــب ..~

واد انت بتحب تكتب عن الخير صيغه بطريقة صاحب هدا الخير بحصلش على اشي مقابله .. انه لا بغنى ولا بتعب ولا بفكر يوقف ولا بتغير .. انه بس بده احساسه بالسعادة من جوى بس ..~


بعرف يا عزيزي يا مُتعجب حدود الزعل منّي ممحية :ح

.. ومستنياك .