عم بكتب بالرد ..~

؛

السلام عليكم ..

يسعد مساكم وصباحكم ..

؛
نبلش ..~

بشكل عام لو بدنا نحكي عن الاخلاق ؛ راح يكون ملان ملان اخلاق غلط معبيّا الدنيا .

وما انسى بانه محدش فينا معندوش انفلات اخلاقي ولو اشي بسيط وهو مش داير على حاله ؛ واحنا بالمنتدى كمان .. فا محدش يشوف حاله ولا يصدق حاله انه مؤدب ..~

؛

شو رأي بشكل عام بالانفلات الاخلاقي ؟ مهو من اي ناحية ؟ لان عندي في بعض الانفلات الاخلاقي اللي انا معاه .. وفي بعض المواقف بيحدث انفلات اخلاقي لانك بتوصل لمرحلة طفح الكيل مش قادر على الحفاظ على اخلاقك .. عندها لازم الطرف التاني يتحمل هدا الانفلات الاخلاقي وبيعرف بترجع لراسك وكلها ساعة واجت ..~

؛

إشي تاني مهم وهو انا ضد ضد الانفلات الاخلاقي اللي برافق الصغار .. لان جد جد شو هالوقاحة بالصغار مع اهلهم ؟ شو قلة هالأدب مع اهلهم .. هدول هم اكبر انفلات اخلاقي عندي ..~

؛

الاسئلة ؟

✓ - هل تعتقدون بآن الأسسرة هي المسسؤؤل الأول عن ظاهرة الانفلات الأخلاقي.؟؟

اسمع كيف ؟ محيادة بهدا الامر ؟ وبحكي عن حالي ! انا الوحيدة بالبيت بان عندي انفلات اخلاقي بخوف ؛ وصار هدا الاشي لما كبرت ؛ يمكن لان حكيت لو شو ما اعمل اهلي بيتحاسبوش عليا لاني كبرت .. فا الاهل مش بالضرورة هم السبب .. ومع هيك انا مع الاهل اللي يعرفوا يتفاهموا مع اولادهم .. بانه هدا الاشي ليش غلط وليش صح ؟
فا على الاهل مسؤولية الانفلات الاخلاقي اد كانوا اولادهم اطفال .. بس لما يكبروا اولادهم ما بحاسب الاهل على الانفلات الاخلاقي الخاص باولادهم ..~

؛

✓ - هل يحتآآج هذآ الأنفلات لرقآبه عآآمه من الأسسرة .؟؟

اه للاطفال او نحكي لسن البلوغ .. الاسرة مهمتها تراقب ومهمتها تعاقب ومهمتها تفهمّ ؛
بس لما نكبر خلص يعطيكم الف العافية على تعبكم معنا ؛ هلأ وقتنا لنراقب حالنا .. تشغلوش بالكم ..~

؛

✓ - أتقددون أن المجتع هو السسبب الأسسآسسي بهذه الظآآهرة .؟ ولمآذآ .؟

هلأ انا ما افهمتش ايش هي الكلمة الاولى " اتقددون" يمكن اتعتقدون ؟ او كلمة فصحة بعرفهاش . والمجتمع مش موجود حرف .. مش مهم !

عن حالي هو السبب الاول اللي خلى عندي انفلات اخلاقي .. ولما احكي المجتمع بحكي عن الناس اللي فيه .. عن تصرفاتهم .. ولما احكي المجتمع بحكي عن كل شي سيء بصير معي.. كل هاي الشغلات بتخلي انفلات اخلاقي .

كيف ؟ الناس ما بتهمني صح ؟ ومع هيك في اوقات مغصوب اتعامل معهم ! بتكون جاهل ويتكون مربيا على انه الناس منيحة وطيبة وكلها ثقة .. بكون مزروع بببالك " تعملش عاطل ؛ كون طيب ؛ سامج " ومن كل هاي الطيبة اللي ربونا عليها .. بتفكر كل الناس والمجتمع بيتك .. اهلك ! طب بيطلع كله عراسك وبينطحن راسك وبتنطحن الاشياء اللي اتربيت عليها .. لهيك انت بحاجة انفلات اخلاقي حتى ما تنتحطنش روحك .. بحاجة انفلات اخلاقي حتى ما تتوجع .. بحاجة انفلات اخلاقي عشان الحرص من المجتمع ومن الناس .. انانية يعني ..~
؛

✓ - هل تعتقدون بآن وسائل الإعلام أحد أسسباب هذا الانفلات الأخلاقي .؟؟

يمكن مع الناس بس مش معي .. ليش ؟ كون واقعي شوي ؟ انا اشوف واحد على الشاشة او اقرأ شو كتب واروح ارد عليه ؟ واتأثر فيه ؟ من وين لوين ؟ بعرفه اشي ؟ اتعاملت معه اشي ؟ جربته اشي ؟ عشته معه اشي ؟ لأ فا بالله كيف بدي اروح اثق بكلام واحد وانا بعرفهوش ؟

تيجي تحكي لشو بينتشر من فساد وقلة حيا ؟ راح يأُر عليا شي ؟ كلها اغراءات الشاطر اللي بملص منها .

الاشياء اللي ملهاش اهمية جواي بتأثرش عليا .

؛

✓ - مـاآ هو العامل أو [ العاملـاآت ] الـأساسية في إنتشار هذه الظاهرة !؟

بتعرف ! كل ما اقرأ "ما هي العوامل ولا الظواهر " وحياة الله عطول بيجي خيالي وانا على درج الصف بقدم بامتحان في المدرسة . دخيل الله على هيك احساس بخنئ !

ظاهرة الانفلات الاخلاقي ؟ مهو في الاسئلة اللي قبلها انت ذكرتها ؟ الاسرة ! المجتمع ! الاعلام ؟

عن حالي شو عامل بخلي عندي انفلات اخلاقي ؟ اشي ما يزبطش معي + شويت عصيبة = انفلات اخلاقي ..~

؛

✓ - ماذا يحدث حينَ نفقد نزاهتنـاآ وخُلقناآ الحسن !؟


هي معنديش حسن الخُلق ؟ شو صاير بالحواليا ؟ اسألهم ..

؛


انا ما كترتش هاي المرة .. خليها للمرة الجاي ؛ عالعموم شكراً على طرح الموضوع .. يعني اشي حلو كل اسبوع نقاش افرغ كل اللي الطاقة اللي فيا بنقاش ولا بشخص ..~