السلام عليكم

بتمنى احوال الكل بخير .. وعفكره بستنى الاسبوع بس لاجل هالموضوع ...~

بشكل عام قصة الثقة بناس عالم السراب اشي رهيب انو نوصل لمرحلة نثق باشخاص من كلماتهم بس .. لا بنعرف اشكالهم ولا صوتهم ولا حقيقتهم ..وهون اكبر غلط .. وين الحرص من الناس الغرباء ؟ طالما بتعرفش اشي عنهم .. ومش قصة تعرف اشي .. قصة هم هيك ولا لأ .. الاشياء اللي بنعرفها اتشكلت من مجرد كلمات ويالله ما اشطر الناس بالحكي ... وعفكره كمان ياما في ابطال بعالم السراب وهم نكرة عالواقع .. يا حرام عايشين بوهم .. اصحوا بدري بحياة ابوكم .

؛
راح تكون اجاباتي محصورة بناس عالم السراب بس ..~

؛

برأيكَ من أينَ تبدأ الثقة .. وبمن نثق تحديداً ؟؟

بما انه موضوع الثقة بس بخص عالم السراب .. فا فش ثقة بالاصل حتى يكون إلها بداية عندي ...
شو بعرفني عن الناس بمين بتثق .. عن حالي بعالم السراب الشخص الصادق هو اللي بثق فيه .. بس شو بعرفني ؟ اد هو صادق ولا لأ ؟ سنين بعالم السراب ولحد الان بعرفش اد اللي مكملين معي صادقين ولا لأ ..~

؛

كيفَ تكسب ثقة الـأخرين .؟؟
بديش اكسب ثقة حد .. هو من حاله بقرر اد بثق فيا ولا لأ... ليش بدي اكسب ثقتهم ؟

؛

هل تتبعُ مبدأ [ أتقدم خطوتين وأتراجع خطوة ] في ثقتك بالناآس!؟

فش ولا نص خطوة بثقتي بالناس بعالم السراب

؛
برأيكَ ماهو دور التربية في توفير الثقة وقدرة الوثوق بالشخص !؟
التربية هي اكبر مشكلة ... عن حالي بحكي .. اهلي الله يطول بعمرهم بربوا ع الصح والمنيح والخير ومش عارفين انو برى البيت في اوحوش بتاكل العظم .. اطلعت من هالبيت اللي كل اشي حلو فيه على عالم ولا عمري شوفت متلهم واكلوني وانقلبت قلبة واحدة ..بديش اثق بناس عالم السراب .. بديش .. فا الاهل والتربية تنتبه وتعلم الاولاد مش كل شي زي حلاوة البيت واهل البيت ..

؛

ما السبب اللذي يجعل الثقة تنعدم بينَ الناآس !؟
عن حالي انعدمت الثقة بكل شخص بعالم النت من الكزب

؛

أيهمــاآ أسهل بالنسبة لكْ !! أن يثقَ الناسُ بكْ .. أمـ أن تثقَ أنتَ بهمـ !؟

انا ناس عالم السراب بثقش فيهم
ناس عالم السراب يثق فيا بهمنيش .. هم حُرين .. كل اشي بإيدهم مش بإيدي

؛

هل من الممكن أن تصل هذه الثقة لإقامة صداقة بينَ الطرفين [ لا أقصد علاقة محرمة طبعا ] !؟
اضحكت على لا اقصد علاقة محرمة عاساس اللي بنعمله حلال .. عندي اصدقاء بعالم السراب ومن سنين طويلة وعتواصل .. واد بصحلي اشوفه بشوفهم .. قصة اثق فيهم ؟ راح احكي اشي ممكن يزعل بعضهم .. بس بعرفوني بهتمش .. فيهم بس شخص واحد عنجد نعمة الصديق .. الله يحميه ويحمي اهله .. طول السنين اللي بين وبينهم بتخليك تعرفهم اكتر شوي .. مش عالاكيد بس احسن من اول .. فا بتعرف مين اللي صديق صديق ومين اللي بس بتفاخر انو صديق ..

؛

هل من الممكن ان تصل بك الثقة لاخبار الشخص الاخر بأمور شخصية عنك !؟
اموري الشخصية انا بحكي عالملأ .. مش بحاجة ثقة حد حتى يعرفها .. الثقة هي اني احكي عن امور مصيرية بتعمل تهديد لحياتي .. كا قتل .. سرقة .. تخرب بيت حد .. هيك اشي وهاي الامور مستحيل احكيها لحد من عالم السراب اد لاسمح الله عملتها

؛

هل تصل الثقةلان تقابل من تحادثه دون خوف !؟

اه .. هي مش قصة ثقة .. هي بعض المرات الّحأ الكزاب لباب العتبة .. فا بدي اعرف هم عايشين العيشة اللي حكولي اياها .. ومرات حتى اقلع عيونهم .. واصحاب حلو ننكش مع بعض

؛

شكرا عطرح الموضوع ..