.

.

.

و عليكم السلام و رحمة الله و بركاته

الحمد لله بخير و طيبين = )

ما شاء الله في يومين شكل المانجا حماس

اسم المانجا مثير للإهتمام "فارسة الزهور" و سنة صدورها تقريباً مو من زمان يعني الرسم جميل ان شاء الله

صراحة اسم المانجاكا "نيشيكاتا ماي" ما سمعته قبل بس مانجاتها لمن بحثت عن اعمالها أغلبها "شوجو"

قصة المانجا من النوع ألي أحبه مره يوه جبتيها في الوتر الحساس أحب كذا و كمان تبغا تصير وريثه و أشياء خطيره >.<



كورونو ران بطلة القصه جميله مره اسمها جميل كمان أحسها شكلها جد ولد بس جميييل مره شخصيتها عجبتني



أوتوري ساي شكلها كيوت حتى شعرها جميل



تينّو إبارا شخصيته نعرفها في كثير من المانجات أتوقع راح يحب ران أو ران راح تحبه فقط إحساس

الفرسان الإثني عشر / عجبني هذا الشيء جميل مره خلاني أتخيل أشياء بما أن خيالي واسع لدرجه مو طبيعيه لو وسعت في القصه كانت راح تطلع رائع بس أتوقع أنها كذا حلوه, عجبتني فكرة القفازات وقعت في حبها -

لا أستني الكلام هذا كله قشعرني أحب القصص الي فيها تفاصيل و أشياء صغيره يخلوها كبيره و مبارزه و مدري أيش أعشق ذي الأشياء

الفرسان لازم يحموا الفارس الأول شيء جميل + عجبني حق حكاية القفازات جد عجبتني متحمسه أشوف المانجا >.< + ما كنت متوقعه أنه الفرسان الـ 12 ما يعرفوا عن بعض بس هذا شيء يحمس أكثر

الطاولة فكرتها رهيييبه >.<

و عن قولك عن نوع المانجا أعرفه و صح كلامك بعض المانجات مو كويسه لو اندرجت تحت تصنيف شونين آي و شوجو آي + أحب قصص ألي بنت تعمل نفسها ولد و كذا تحسيها تحمسك أكثر شيء لمن البطل يكتشف أو أحد يكتشفها تحسي كأنك تبغي تخبيها

يعطيكِ العافيه و لكل الي صمموا و نسقوا الموضوع جد عجبني إختيارك للمانجا أحب أعلق على كل تفصيل للمانجات الي عمري ما سمعت عنها لذا آتمنى يكون ردي وفيت فيه حقك في التعب و مجهودك الرائع هذا = )

بإذن الله راح أقرئها تم إضافتها الى لستت المانجا المخطط قرائتها

في أمان الله...

لونا~