السلام عليكم و رحمة الله و بركاته
موضوع جميل جدا اعجبني فيه انه مختصر و مفيد بس تصدقين توني ادري ان فاتل فريم فيها قصة xD يمكن لأن الفترة الي لعبتها فيه كانت انجليزيتي ضعيفة جدا فكنت العب بدون ما افهم شي و لا اقرا المستندات الي نحصلها
المهم انا جربت الجزء الثاني و الثالث و الرابع بس الي قدرت اختمه هو الثالث و هو احلى جزء عندي يمكن لأنه كان اول جزء العبه و حسيته مرعب اكثر من الثاني لأنه يخلط بين الحياة في عالم الاشباح و الحياة الواقعية عكس الجزء الثاني الي من البداية تكونين في عالم الاشباح فتحسين ان الوضع طبيعي مع الاشباح في عالم اللعبة فما تخافين
الجزء الثاني ما عجبتني الشخصيات فيه و حسيت القصة سخيفة مقارنة بالثالث و ما عجبني الجو العام في اللعبة
الجزء الثالث له ذكريات عجيبة اتذكر اخواني الجبناء كانوا يتجمعون و يعطوني القير و يخلوني العب و هم و يقعدون وراي يطالعوني و انا العب كأن سينما و لما اعطيهم القير اقولهم دوركم يقولون لا نخاف نخسر عقب يطلعون لنا الاشباح في الليل و نموت في الصج..يعني عادي عندهم انا اموت تبا لهمxD
و غيرها الكثير من الذكريات المضحكة
الجزء الرابع جربت المقدمة فقط يعني ما تعمقت في اللعب وايد بس الشخصية الرئيسية عجبتني و الجرافك تحسن وايد بس التحكم حسيته شوي ثقيل و مو عملي مادري يمكن لأني ما تعودت عليه او لأني مو متعودة على ريموت الوي بس اللعبة تشجع خاطري العبها هي و كل الاجزاء من الاول بس مافي وقت للأسف
المهم شكرا على الموضوع الممتع
بأنتظار موضوعك عن الجزئين الرابع و الخامس