رد: ●» وٺبقےٰ ملامح‘ ضحـگٺي .. فيها علاماٺ الألم ♣
عرفتك يا وطن غالي بغلاة الروح ، أشم تراب أرضك والدموع إتهل
يا أول جهنم تشبه الفردوس ، دخلناهة بمزاج ونرفض إنحوّل
بظنك بالغت ! لا ما بالغت والله أحكيلك أمر وإنتة إستشف إيش إيدل
نيران الحرب وصلت لباب الدار ، وأسعار المنازل بالعالي ما تنزل
عراق ، وحتة موتك ماأدري من يا موت ، جديد علة البشر مو موت مستعمل
غريب ويختلف وأجوائه غير أجواء ، تأبين وتهاني ونبكي وإنهلهل
ولد رب الحياة اللي سجلو ميتين ، يدفنهم ! يزفهم ؟ حآر اللي إيغسل 
غادرت الوطن ، يالغادرت محروس ، دورلك عِرف بال un ، وسجّل
وبالك تشتبه ماكو كرم للضيف ، إذا ظلك عبر تدفع ضريبة إتظل
وعلمت القلب بالغربة ما يشتاق ، لكن يا عراق عيوني ما قدرن
ما جنهن بصر ، جنهن ثدايا النوق بس أفطم عليهن شوفتك درن
صحيح إتخلصت من صيفك اللهاب ، إهنا برداً سلاماً ما شفت حراً
إهنا خضرة الجروح شلون كوللي إتطيب الجروح ، عراق خلاف شمسك وين ينشرن
جاورت البحر وأطلع للإستجمام وأمس إغمة علي وأحوالي ما سرن
كالوا من دوار البحر ما يدرون ، بقن دجلة وفرات براسي يفترن
ورغم ملح البحر طافح بوجه المآي ، ما غزر أبد ذنيج اللي يغزرن
-
التعديل الأخير تم بواسطة animo kun ; 03-08-2016 الساعة 05:30 AM
|