بديت أشهكَ فراكَك والنِفَس مكَطوع ، إختنكَ دربك إبجدمي وما قِبـَل يكمل
يمر وجهك بعيني وأركض على الشباك ، وأشد وجهك بوجهي وبالسهل ينحـَل
خذت نظرة ولهسة عيوني متوضيات ، إذا صدت لغيرك كل فرض يذبل
السهر مو زين بس عيوني تشرب ليـل ، تندل كل درب بس طيفه ما تنـدل
المسافة اللي بيني وبينك سبع لجمآت ، وإجيتك والشماتة عيونهم تسئـل
ما يستاهلك ! كَالو .. وكَلت مشتآكَ ، اللي يحب إيضحي لا إتكَول اللي يحب ينذل
-