السلام عليكم من جديد ..~


احكيلكم عن الفلم الاخير اللي شوفته .. واللي يمكن هلكيت ارجع اشوفه من جديد ..~


فلم رااائع دمار رهيب .



in the mood for love 2000

تصنيف رومنسي دراما كلاسيكي



ما بحب التصنيف الرومنسي .. بس هدا الفلم خلّا الرومنسيه غير .. كديش ابدعوا بالكصه .. كديش ابدعوا التمثيل .. الدراما اللي فيه رائعه .. الموسيقى .. التصوير واللقطات .. المحادثات !



البطله كل فستان احلى من التاني عليها.. كديش حبيت الستايل تبعها الكلاسيكي البسيط الحلو .. كديش حبيت شخصيتها .. والمبادئ تبعتها .. عجبتني ~



الفلم بحكي عن قصه رومنسيه صافيه فش اي وساخه فيها .. استغربت بانو فش وساخه بالفلم ..على مبدأ رومنسي وفش وساخه .. علاقه بتجمع بين شخصين بسكنوا بنفس البنايه .. هي زوجها كتير بسافر .. وهو زوجته كتير بتتأخر بالشغل .. بكتشفوا سر عن بعض وبتبلش تصير بينهم علاقه حلوه .. انو يحبّوا بعض وعارفين انهم مش لبعض وما اتجاوزوا الحدود وبنمشي معهم .. بمحادثات .. بموسيقى .. باللون الاحمر اللي غالب عالفلم .. انا شوفته واقعي للناس اللي عندها وفا بالحب حتى لو اتجوزوا وخلفوا ... بضّل ريحه المعشوق معاه بكل حياته .. عذاب حلو ~



اخد 10 معي

لان فيه كصص شخصيه هي اللي بتكمل العلامه للفلم ..

الفلم دقيق وملان تفاصيل .. يا عمي هدا من الافلام اللي جد جد بنحكى عنها دراما