لى عودة ..
السلام عليكم ورحمة الله وبركاته
أسعد الله أوقاتِكـ بالخير والصحة والعافية مُشرفتنا القديرة ,
أولآ طبعآ وقبل أى شى أحب أن أشكـُرك ولكـِ أشد التحية والتقدير لهذا الموضوع المُحترم ,
التعصب الكـروى والذى زادَ فى الأونة الأخيرة ,
والذى مِنها فقدنا أعز الناس على قلوبنا فقط لأنهم ذاهبون لمؤازرة فريقهم ,
دا غير الإستهزاء من قِبلَ الجمهور للاعبون المُحترفون ذو اللون الأسود ,
أشياء كثيرة مابعرف ليش هالعصبية ! من المُستفاد !
ما حدا بيستفاد جميعهم راح يخسروا كُل شى ,
اللى يخسر أخلاقه واللى يخسر روحه أو روح أعز أحبابه يخسر حياته بعدم دخوله المدرج ,
أسف بكمل كلامى بالمصرى<
فى مجزرة بورسعيد فقدت أغلى الناس " أخويا وأصحابى "
ذنبهم إيه رايحين بيشجعوا فريقهم يتقتلوا !! ذنب الجمهور إيه إنه يسافر لبلاد خلف فريقهم ويخسروا حياتهم .!!
طبعآ عارف أنه قدر ربنا بس مش لما يروحوا مباراة يشجعوا فريقهم يموتوا ..!!
ليه يوصل بيهم الحد ويتعصبوا ليقتلوا بعضهم البعض !!
ليه ما يكون فيه تعصب .!! ليه ما يكون عندنا عقل يـُفكِر بأنها مُجرد مباراة .!
مافى داعى للتعصب ليقتلوا بعض .. حتى ولو شتائم إيه الإستفادة من دا كلوا .!
لو كـُل شخص نظر بجميع الإتجاهات بيلاقى أنه بيخسر نفسه قبل ما يخسر اللى أمامه .,
ليه ما نفكر بعقلية مُحترمة فقط أشجع فريقى فاز أقول للمُنافس هارد لك وإذا خسر نقول الحمد لله ,
ليه دايمآ التعصب الكروى بيأدى لحياة الأشخاص الأبرياء ..!
حزين جدآ على اللى إحنا فيه وكـُل دا لأن مُعظمهم ميعرفوش حاجة عن دينهم ..!
وأيضآ فى مجزرة الدفاع الجوى مباراة الزمالك وإنبى يـوم 8-2-2015
فقدت أيضآ أعز أصدقائى والمرة هادى كُنت أنـا هُناكـ وقت المجزرة وكُنت على وشك الموت ,
إذا كُنتِ تابعتى أحداثها كان يوجد ممر من السلك الشائك أنـا كُنت داخل هالممر قبل ما ينزلق على الناس ,
وأيضآ أخى التانى اُصاب إصابات خطرة بطلق نارى وهو الأن مُنتظم على علاج طبيعى ,
مجزرة الدفاع الجوى من ضِمن الأحداث اللى ما راح تتنسى أبدآ ,
وأنـا ذكرتها لأن أسأل ليه ما نخلى الجمهور يدخل ويشجع ليه يحرموه .!
ليه قوائد البلاد وكِبار الأشخاص فى البلاد ما يتدخلوا لحل هذه الأزمات ؟!
لازم يكون فى تأمينات للمُباريات حِفظآ على أرواح المُشجعين ..!
وحتى من غير تأمينات ليه ما يكون فى عقل مُحترم بين الناس يفكروا بيه ويبعدوا عن التعصب .!
لازم يكون فى حدود لكـُل حاجة , هدف إنه رايح يشجع فقط لا أكثر ولا أقل ,
يـُفكر بأنه إذا حـَل الأذى بالشخص الذى أمامه يـُفكر الأول أكيد الشخص دا عنده أهله ,
أو أولاد , زوجة , ليه كدة بيقتل عائلة بأكملها وليس شخص واحد فقط .!
عندى كلام كتير جدآ وأنـا أسف جدآ أطِلت عليكى ولو فى كلام ما عجبكـ ,
بس أنــا وربى بتقطع من داخلى مع كـُل كلمة كتبتها ,
شُكرآ جزيلآ على الموضوع الأكثر من رائع واللى أهمية كبيرة جدآ جدآ ,
وأعتذر مرة تانية ما قادر أنى أكمل صراحة الكلام تِعبت نفسيآ ,
دُمتِ بود ,
حياكـِ الله .
