وانا احووس باليوتيوب لقيت مقطع برنامج ياباني يتكلم عن المرأة السعودية

مداخله كانت من متصل مدري وش يطلع

شاف فيلم قديم سعودي ما ادري وش قصد المخرجة منه

وفيه كمية كبيرة من السم المغلف بالعسل

المهم جاني كرب من كلام الياباني اللي بالفيلم هذا حكم ع السعودية كاملة

المهم بالبداية كان يثني ع المخرجة بعدين بدا يحكي قصة الفيلم

بعدين قال.. ان الفيلم جميل لكن مبطن بكمية كبيره من الالم والمعاناة للمرأة السعودية

وقال انه ماصار فيلم وثائقي بل فيلم رعب

وبدا يسرد ما فهمه هو عن المجتمع السعودي من خلال الفيلم

اننا ماسورات في البيوت وان كل شي محرم عندنا حتى الحب

حتى السيكل حتى الورث محرومات منه مالنا اي راي واي فضيحة ننكشف عليها
مصيرها القتل كل شي فهمه ذا المذيع من راسه

وربي رفع ضغطي ويقول كمان ان الدولة مضيقة علينا

وان امريكا بتدخل باي وقت عشان تنقذ المرأة السعودية من شبح التقاليد

لكن ما تقدر عشان النفط

وان ابوها اذا ما يبغاها يبيعها

اسسستغفر الله العظيم

يا رب لك الحمد عايشين احلا عيشة ومرتاحين

ولو فيه ها الاشياء فانهاا ما تمثل الدولة كامله هي في القلة منهم

اعترف ان في المتعصبين والمشددين كذالك فيه المنفتحين

لكن اكثر اكثر الشعب واللي يمثل الدولة ناس طبيعيين

عايشين حالهم حال غيرهم ماهم جايين من كوكب اخر

واذا الحجاب هو اللي معكر على كثير فهو بالنسبة لما امان كبير

وما لبسناه الا برضانا

واذا ع القياده تعبنا والله من ها الموضوع

اما السيكل ما نتوب منه عادي نلعب فيه للان بس اختكم في الله للان ما تتوازن

محد اشتكى وربي راضيين على وضعنا وحكامنا وكل شي

نفسي اقول لكل من يدعي انه يبي مصلحتنا ويتكلم بلساننا

مالكم شغل خلونا بحالنا والله محد طلب منكم شي.. احنا راضيين

ما نبغى حريتكم المزعومة ارتاحوا لا تشغلوا انفسكم فينا

خلونا على مبادئنا ما نبي التغيير اذا كان بيخلينا مثلكم

احنا على ثقة تامة ان محاولاتكم ماهي الا لتعكير صفو حياتنا

خلو حريتكم لكم وهدوء وانضباط حياتنا لنا