هلا يا اخوان
انا خلصت من انميين واحد فلم والثاني انمي ببدأ بالفلم اول

الفلم اعلاه يقع مكانه بين الفشل والفشل الزريع واحد من ازبل وافشل واسوء وابيخ الافلام الي شفتها في حياتي فلم زباله الله يعزكم مافيه اي شئ جيد , واصلا ماخلصته للنهايه شفت ساعه ونص من اصل ساعتين وسحبت عليه خلاص من سخافته باااااايخ بشكل غير طبيعي في بداية الفلم لما شفت البطله انسانه مريضه والولد يتنمر عليها في الصف قلت هذا بيكون شي خرافي واستمتعت في بداية الفلم بكل صراحه لكن بعدين عقب ماكبروا صار الانمي كله دراما في دراما وكأبه وتكدير وكلام اغلبه ماله معنى والقصه اي كلام, انا بكل صراحه اكره مثل هالنوعيات من الانميات والافلام الي مايكون عندها اي قصه وبس تركز على العلاقات بين الشخصيات والله العضيم اني كل شوي كنت احرك الموس انزل اشوف كم دقيقه باقي ويخلص الفلم -_- يعني سلبيات الانمي كثييره صراحه :-
1- البطل شخصيته زباله بكل ماتحمله الكلمه من معنى ماشفت بطل اسوء منه الا بطل فيت ستي نايت, صراحه بطل سئ ويرفع الظغط وردود فعله مب طبيعيه وسخيفه , مثلا وحده من اصدقاء طفولته جعلته يقابل احد اعداء طفولته بدون علمه, انا الي قاهرني ان البطل ماسوى حق البنت شئ بس راح وشرد ! شنو هالسخافه ذي !

2- الفللم كئئيييييييييب ياخي مافيه مقاطع تضحك شي كله كأبه في كأبه من اتعس الافلام الي شفتها هذا غير ان الدراما الزايده في الفلم دراما كثييره مال امها داعي هاي يعتبر فشل ذريع ومصخره بل هي قمة المصخره والفشل الذريع .

3- المشكله ان البطله كريييييييهههه انا ماحب هالنوع من الابطال الي تروح وتسبه وتزعجه وتضربه اخر شي يسامحك بدون سبب هذه قمة المصخره بل هذا الفلم تربع على قمة هرم عرش الافلام البايخه مع احترامي لعشاقة . غير هذا الانمي كله كان يدور حولها مثل ري زيرو انا ماحب هالنوعيه من الانميات الي الهدف من الانمي بالكامل هو التركيز على شخصيه انثوية وتصير هذي الشخصيه هي المضمون وهي القصه وكل شي وهذا الي شفناة في زعيم الانميات الفاشله ري زيرو وخلفه هالفلم الزباله.

4- الانمي فيه وايد اشياء مكرره صراحه وشفناها في انميات كثيره نقطة قوته الوحيده بالنسبه لي هي العلاقه بين البطل والبنت الصماء ومع الاسف دمروها بالكامل .

5- في مقطع من مقاطع الفلم كان سخيف حده , المقطع كان عباره عن اجتماع بين الابطال وفي هذا النقاش يناقشون علاقتهم في الابتدائي وكيف كل واحد كان يزعج البنت الصماء , المقطعع كان سخيييييييففف ماقدررت استحمل سخافتهم زياده انا صراحه ماحب هالاشياء ذي يجمعون الابطال ويتشاجرون بينهم وبين بعض على علاقات حب او علاقات قديمة او عشان شخصيه من الشخصيات الي غالبا بتكون بنت زباله , مثل المعفن كيزنا ايفر جمعوا الابطال اخر شي في مكان واحد وقعدوا يتناقشون في مابينهم عن الحب لان كل الشخصيات تحب بعض, وفي هالفلم جمعوا الشخصيات وكل واحد منهم يرمي تنمرهم على البنت الصماء على الاخر هذا فشل ذريع صراحه من عقب هالمقطع ماقدرت استحمل اشوفه زياده وحطيته في مكانه الطبيعي الموجود تحت


نبدا بالفلم الثاني : الرحالة كينتو

الفلم عباره عن بنت عندها دراجه ناريه وهذي الدراجه الناريه اسطوريه , كأنها تيوتا جي ستاندر 8 سلندر تمشي في كل مكان في الثلج في البر في الحصى في البحر كل مكان , موتر مب دراجه ناريه وغير هذا تتكلم ! لكن صراحه ماعتبر هذي سلبيه لاني اشوفه شي سخيف واقدر اتقبل هالشي لان احنا في انمي , الانمي كان ممتع صراحه شفت مننه 8 حلقات اليوم وخلصته وانا نادر ماشوف 8 حلقات وؤى بعض من انمي الا اذا كان حلو اما اذا بايخ بالكثيير 5 حلقات واكون غاصب نفسي اشوفها لكن مع هذا الانمي ماعانيت من هالمشكله ابدا , الانمي كان ممتع وجميل جدا وكل مره البطل يمر على قريه وتصير له احداث هناك لكن في شيئين ماعجبوني في الانمي :-
1- هو مب عيب في الانمي , لكنها مسألة اذواق انا بكل صراحه ماحب هالنضام من الانميات الي كل حلقة تكون منفصله عن الثانيه وغير مرتبطه فيها صراحه هالشي ماعجبني ابدا , العيب فيني انا مب في الانمي انا من نوعية الاشخاص الي يحبون الحلقات تكون مرتبطه مع بعضها البعض ماحب هالنظام كل حلقة قصة منفصلة .

2- بخصوص الجزء الثاني , سالت الاعضاء عن الانمي الجديد للسلسله وقالوا انه جزء ثاني , انا ماعندي مشكله مع الجزء الثاني لاني للحين ماشفته لكن عندي بععض الملاحضات الي ابي اطرحها :
1- الرسم في الجزء القديم احلى بكثيير ومناسب اكثير للقصه !! الرسم في الجزء الجديد جميل جدا لكن ماعرف احس هالانمي يحتاج اجواء سوداوية لكن الجزء الجديد اجوائه مبهرجه ومصخره



الرسم الجديد


لكني بعطي الجديد فرصه وبشوف
التقييم النهائي 7\10

+

حاليا محتار ابدأ في اي انمي من هذول الثلاثه حد يعطيني نصيحه






عاد ردوا مب تسحبون قولوا لي شنو اشوف من هالثلاثه انا قلبي يميل لأخر انمي