كقاعدة: مش هتقدر تحقق أي نجاح من أي نوع في حياتك في أي مجال، إلا لما تكون

شغــوف به، بنفس شغف عصـام الشوالي وهو بيعلّق على مباراة نهائي دوري أبطال أوروبا.

كلمة شغـف كلمة عبقرية معنـاها أكبر من مجرّد حب عمل شيء ما، إنما شاملة لمعـاني

الحب، والإهتمام، والشهوة الحقيقية، وتطويع الإبداع، والقدرة على المتابعة بأدق التفاصيل

لفتــرات طويلة بلا شعور بأي ضجر أو إرهاق، أو انتظـار مقابل حتى.

لو مفيش شغف معين في حياتك، فأنت ميّت حرفياً ولكن تم تأجيــل موعد الدفن.

هتبدأ تتعفّن طول الوقت قدام الناس، فكرياً وأخلاقياً وإنسانيـاً وحياتيـاً، وهتبقى مجرّد جثة تفترش

المقاهي وتمشي في الطرقات، وتتحرش بالنساء - لو ذكــر -، أو يكون همّــك كله لفت انظـار الرجــال

- لو أنثى -. هتسمع أغاني هابطة، أو تكفّــر الناس، أو تقتل، أو تسرق، أو يجيلك إكتئاب مدمّر.

هتتعفّــن، هتكون معفّن، هتتحول لكائن معفّن، بكل ماتعنيه كلمة عفــونة من معــاني.

الشغف هو الحبل السرّي اللى بيربطك بالحياة، مجرّد ماينقطع، وتلاقي نفسك بلا أي شغف في أي

مجال أو عمل أو طريقة حياة أو شيء ما على الإطلاق، إعرف إنك بدأت تتحــلل وتتعفّن بالتدريج،

وإنك خرجت من دائرة الحياة، وبدأت الدخــول في الموت بالمعنى الحرفي مش المجازي.

عيش بشغــف، أو قضّي حيــاتك كلها في البحث عنه على الأقل، قبــل ماتبدأ في مرحلة التعفّــن.


بقلم "عماد أبو الفتوح".
-