حلطمة جديدة 
اليوم رايح شركة سمسا عشان بشحن شيئ
دخلت الفرع والا اشوف قدامي 6 صافين طابور، صفيت وراهم
كنت توني قاعد من النوم وما نمت عدل.. فجلست ارتاح على ما يجي دوري
المهم. والا يدخل واحد ويلصق فاللي قدامي في الطابور.. أنا جالس على الكرسي
وأقول في نفسي... وش في امه ذا داخل عرض؟ يفكرني غبي؟
انا قلت خل اعطيه على جوه. واجلس ليم ما تحرك الطابور شوي. وقمت وقلت له لو سمحت مكاني هنا
قال انا هنا صاف من زمان.. واطالع وانا مستغرب واقول شفيه ذا معطيها وضعية الغبي اللي ما يدري
انا فيني عرق الهياط شوي وكان ودي اتضارب معاه بس الرجال اكبر مني بكثير. يعني بحدود 55 سنه
+ المكان فيه كاميرات وما لي خلق ينتشر مقطي وانطرد من الجامعة.. قلت للي قدامي مين اللي وراك دوره بعدك؟
قال انت "يقصدني" قال انت اللي بعدي وطالعت في "الكذاب" وقال معليش ما كنت ادري وكذا
العبره من القصه ان مافي عبره في القصة.. وهذي النوعيات من الاشكال ودي اقتلها
وانا اليوم معصب زيادة بسبب دخول وصخ في زر المسافة في جهازي وصاير الزر ثقيل وماني عارف كيف اطلعه
#حلطمة