السلام عليكم
أهلاً أخوي شانكس,
الحمدلله بخير وانت شلونك
؟ ان شاء
الله تمام
مادري ليش حسيت شايفه هالتصاميم من قبل, شكله أعرفك
xD
المهم, أدري ذكرت إن هالأعمال قديمه بس حبيت أعلق على كل التصاميم
(الباك الأول)
1 + 2: حبيت استخدامك للسمدج وأفضل ألوان التصميم الأول على الثاني
اختيارك لألوان الخطوط همن حلو ومناسب
بس المشكله ان التصميم حيل قامج من ناحية توزيع الاضاءه والظل
لو مفتحه بس شوي, وضفت مصدر الضوء باستخدام فرشه ضوئيه مع تغيير الاعدادات,
راح يعطي لمسه حلوه للتصميم
و تقدر بعد تضيف تأثير بسيط صوب اليسار لأنه حسيته شوي فاضي
3: لاحظت انك ضفت الفرشه الضوئيه اهني وحيل حبيت شكلها ويا التصميم
ما عندي تعليق على الخطوط, جداً مناسبه بس همن نفس مشكلة التصميم
الأول, في مساحات بالتصميم يبيلك تعبيها بشي جداً بسيط
ومنها تكرار الصوره وتغيير اعداداتها, تصير مثل الافكت
4: الألوان وتوزيع الاضاءه ممتاز بس للأسف
نوعية الخطوط كلش مو ماشيه مع فكرة التصميم
يمكن لو خليته خط بسيط ويكون الشغل كله على تأثير الخط
من ناحية ابرازه أكثر, يعني تحسه طالع من الفقاعه نفسها
5: شوية اضاءه على ويه الشخصيه راح يساعد وايد
انه يبرز التصميم بشكل أفضل, ومن رايي, لو ضايف كلام صوب اليسار
وتخلي الاعدادات
overlay مع تخفيف الشفافيه
بيعطي اضافه حلوه للتصميم ويعبي الفراغات
(الباك الثاني)
1: حرااااام عليك! كانت عندك فكره عجييييبه اهني
وتأثير السمدج وايد قوي وحسيت جنه في نار زرقه طالعه منه
بس يبيله شغل التصميم, كلش مو مكتمل وتقدر تضيف عليه حركات
منها تكمل تأثير السمدج على جم فرشه موزعه بالمساحات السودا
وتغير نوعية خط
fight
2: هذا بيييييرفكت! من ناحيه ألوان وتأثيرات وخطوط
أكثر تصميم حبيته, لاحظت استخدامك للشاربن والبلر متناسق اهني
3: هممم اهما شغلتين, يا انك تغير مكان ونوعية الخطوط
أو تقلل من السي فور دي اللي لونه أسود
مع تغيير ألوان التأثيرات لأن حيل ظالم التصميم
4: اهني حسيت الخط ضايع ومو ماشي مع فكرة التصميم
5: هذا التصميم بالذات اللي فيه وايد حركات وكان من المفروض
انك تخلي الخط جداً بسيط وتبرزه عن طريق اضافة بوكس وراه
ويكون بخط صغير
6: هذا جداً ممتااااز والسمدج مضبوط اهني
(الباك الثالث)
1: اختيارك للألوان مناسب لفكرة التصميم, توزيع الخطوط تمام
تعليقي الوحيد على الاضاءه اللي شبه منعدمه
كثر بس شوي
xD
2 + 3: أفضل نسخة الأبيض وأسود, بس أرجع وأقول عدل اعدادات
الإضاءه و وضح خط
sky life
4: كألوان, تمام, بس اختيارك للصوره ومكانها بالتصميم
مو ماشي مع الثيم
5: فكره غريبه بس حلوه بنفس الوقت, ومجرد راي مو انتقاد,
تعلي ال
saturation شوي
6: ضبط اعدادات الاضاءه بس
7: تصميم مكرر
xD وسبق التعليق عليه
آسفه عالاطاله وناطرين يديدك
! 