بسم الله الرحمن الرحيم
سلام الله عليكم ورحمته وبركاته
كيف حالكم اخواني واخواتي الاعزاء ؟
مساكم / صباحكم شعر
ماابي اطول عليكم هذا اللي اخترت لكم يكون اولى مشاركاتي
وهي قصيده غزليه
القصيده بعنوان : مقياس الحب .
فاقول :
لو كان للغلا والحب فيه مقياس
ماكان قاس ربع ذره من غلاتك
ولو كان له اسعار كان ضارب الالماس
وتعدى كل احلامك وأُمنياتك
انت الوحيد من بين كل الناس
اللي يتوه العقل من مناظراتك
طلبتك لالقيتك لاتهيض الاحساس
واذا فارقتني فانتبه على سلامتك
وحافض على قلبي داخل الاحباس
وانا باحفظ حبك الى مابعد وفاتك
وان حصل مني قصور فلا تشعر بالياس
لانه اكيد بيكون نقص في حساباتك
خذ الكلام اللي من الراس للراس
وخذ القصيده من اهداء مني جاتك
انا قوي على حبك شديد الباس
وقوتي تجي من قوي الحيل الفاتك
وطبعا احبك ولو ابتليت بالافلاس
ياتاج راسي يالمكمله صفاتك
ياحور عين(ن)شوفها يذبح كما الفاس
ياللي نور الشمس ياخذه من حلاتك
هذا يعتبر في بحركم مجرد غماس
والامل بالله انه يزيدني بمقابلاتك
الله يديمك ياغاليه لكل الاجناس
ويديم علي النعمه بروحاتك وجياتك
انتي صحيح حبك غطى على كل الناس
لكن اسمعي كلمتي وخذيها جاتك
يشهد علي الله انك كما الانفاس
وزفراتي دايم تبحث عن محادثاتك
واعرفي لو تركتيني باقعد واحتاس
وان غبتي لحظه قلت لك ياجراتك
لانك تفكري ان مالك بالقلب مداس
ولا ان قلبي ماعاد بمن مملكاتك
دخيلك لاجاك هالتفكير قولي وسواس
وتعوذي من ابليس واسالي عن غلاتك
وسلامت الجميع
اتمنى ان تحوز على رضاكم
تحياتي للجميع
ســــــــــــــلأاأام .