شفت السحاب اللي مشيت تحته وطلع ضباب
شفت الكتاب اللي فتحته عشان تقرا وطلّع هباب
شفت الغزال الطيب لم أكِّلته وعضك بألف ناب
شفت الصحاب اللي تقرب منهم وينهشوك زي الكلاب
دول مش صحاب دول نار البابور
قزايز فاضيه في انجس ماخور
ثعالب غداره بتلف عليك وتدور
يعني غيابك يتسجل وانت من الحضور
يعني في ايدك الميه وتشرب من البحور
تعمل الحرام وانت مش مجبور
يعني تهاجم الصقر وانت حيا الله عصفور
زي النجوم دليلك في الظلام
صوت حلال مدوي يخرص الحرام
اسد بين الضباع نسر اعلى من الحمام
كابح جماحه وماسكها بالجام
يعني السكون لما يكون الوضع جنان
يعني الشموخ والعزه لايمكن يهان
حكمه وتصرف في احلك الظروف
لازم تكون صديقه لازم تمشي في طريقه
يساعدك في ضيقك وتساعدو في ضيقو
بقلمي : *ياقوت*