احنا مش ملايكة
بسم الله الرحمن الرحيم
في عندي موضوع اريد رايكم فيه
..... بس واللة هو طيب وانسان محترم
والناس كلها بتحترمة وبتقدرة ولكن هو بيصعب عليا
؟؟؟؟؟؟؟؟؟؟
طبعا اى حد هيقول انت بتقول اية ومين دة واية حكايتة ؟؟؟
انا هقول كل حاجة بس الصبر شوية ...
هو فى العقد الخامس من العمر ولكن اللى يشوفة يديلة 35 سنة بالكتير
المهم هو مهندس من فاقوس شرقية وبيعمل اخر النهار فى مكان تانى
خاص فى نطاق منطقة شارع الدروس .
مشكلتة بقى انة بيعتقد انة ملاك وانة معصوم من الخطأ
وانة عايش فى المدينة الفاضلة اللى هى بعد البنزينة على ايدك اليمين
وفاكر انة مش بيغلط ابدا وهو اللى عارف
كل حاجة فى الدنيا ومحدش تانى يعرفها
المشكلة انة لما بيغلط من المستحيل انة يعترف انة غلط
ويحلل كل حاجة على مزاجة . يعنى مثلا لما ينسى حاجة
وتيجى تفكرة يقول ايوا انا فاكر بس بختبرك
المهم عايزين نوجة لة رسالة ان احنا كلنا بنى ادمين مش ملايكة
ومش عيب ان احنا نغلط لكن العيب ان احنا منعترفش بالغلط .
والسلام ختام
|