جهازك شغال طول السنه بإستقرار تام لكن مع بداية فصل الصيف وارتفاع الحراره جهازك بيبتدى يستجيب ببطئ + التهنيج المتكرر بطريقه غير طبيعيه

إتفضل النصائح دى وحاول تنفذها وهتلاحظ الفرق إن شاء الله :

- أول حاجه إفتح الـ Case وركز على الكابلات اللى جواها لو لاحظت ان الكابلات ممكن تكون بتحجب مسارات الهواء جوه الـ Case حاول تجمعها وتبعدها تماما عن المراوح والأماكن الخاليه

- شغل الجهاز وتابع آداء كل المرواح مروحه مروحه وإتاكد ان كلهم بيلفوا بنفس السرعه

- لو مروحه صوتها عالي حاول تغيرها لان معنى ان صوتها عالي انها مش بتلف بالسرعه القصوى المصممه ليها

- كل شهر حاول تنظف الجهاز من الأتربه بـ البلاور

- أهم مروحتين فى الجهاز مروحة البروسيسور ومروحة الباور سبلاى حاول انك دايما تتأكد انهم شغالين بشكل قوى

- حاول تزود عدد المرواح داخل الـ Case لو فيه مكان فاضى ليها

- لو عندك تكييف حاول تحط الجهاز فى الأوضه اللى فيها التكييف

- لو الحجره اللى فيها الجهاز دايما مغلقه وغير جيدة التهويه حاول تنقل الجهاز لأوضه هواها متجدد طول اليوم

وشكراً .