يااا عراق

انت العين و اقرب من جفنه انت


انت العين و اقرب من جفنه انت


انت الوالد اليحظن بديه وليده و بنته


من توحيد انت العراق بشيعته و سنته


ياهو الكال لك ناسيك هم ينسه الكمر وكته


لو نبض الكلب يتنكر بدكته


بس عشكك عشك مفضوح


و عشك الناس كلها مساتر و سكته


صرت انت سبت و بركبت يهودي


هم سامع يهودي يجوز من سبته


انت الفارس الي يسبك هبوب الريح و ما ضن خيل سابكته


و انت يرهم ترابك كحل للعين و دوه للي ما شفت علته


و انت من ترابك نحني جفوف المعرسين و كل اصبع فرح من طينتك طكته


و انت الي ريحت اترابك ترد الروح و هيل و زعفران و عنبر بشمته


مثل تراب كاعك ما لكينه تراب يرهم للصلاة من طينته تربته


من طينته تربته


لانك حلو و الناس منك اتغار ما عندهم الي عندك من مجد نلته


انت اول وطن ادم وضع جدمه عليه و كال يالله لانك قطعه من جنته


انت اول وطن حبه النبي ابراهيم و نبي ايوب ناخت بيك راحلته


انت اول وطن علم الناس تكتب ابجديه و يكتب التاريخ و انت اول وطن قانون سنلته


و انت اول وطن كالتله الشمس يمه صباح الخير و لو رادت اتمسي اتمسي يم كبته


انت اول وطن ما تشبه الاوطان سبحان رب شلون صورته


ولك صورته العراق و بس علينه يلووووك

المصـــــدر
http://www.fr-7.com/forumdisplay71de.html