كيف تتعامل وية التكسي ابغداد ::

كيف تتعامل وية التكسي ابغداد ::

قف عزيزي الي تريد تاخذ تكسي على جانب معين من الشارع . وستسمع هورنات التكاسي
اما انتي عزيزتي الفتاة فأمة محمد كلها تدكلج هورن حتى ابو البايسكل

عندما يتوقف التكسي تسطر وراها من 3 الى اربع سيارات تكسي ينتظرون بلكي اول واحد ميقبل يروح او متتفقون على الكروة حتى بلكت هو ياخذك

طبعاًاذا كانت الجامة نازلة راح تكله الله يساعدك . الى المنطقة الفلانية
هو مراح يباوعلك يباوع على الطريق عبالك ديشوف الخريطة .. يكلك ماشي
راح تكله شكد ؟؟ ..

تاتي هنا فيكات ابو التكاسي .. اصعد .. بسيطة ، توكل ، منختلف ، بكيفك ، كلمرة شكد تروح ..
هنا ارجو منك عزيزي ويا عزيزتي الأنتباه لأن التقفيص ياتي من هكذا اشياء ..
فاذا كلك بكيفك وصعدت ومن توصل للمنطقة يراويك النبي عربي يكلك ازدحامات ، هوسة ، حتى ياخذ اكثر من الكروة ..

فأنت َ اخلص من هاي السالفة وكله مأدري .. على اساس متعرف
فهو راح ينعنعش .. ويكلك اجتي لحلكك يابو تيسير .. يكلك 8000 .. اذا مو 10000 حسب التقفيص والمنطقة

فأنت كله عمي شدعوة صلي على محمد .. اني اروح وارجع يومية بهلكد << هاي العبارة ماكو واحد ميكولها حتى لو مرايح بس تجيب شغل

إذا عاند وياك وكلك متصرف .. كله تسلم وروح للوراه هسه يكوم يضرب طلقات يكلك تعال تعال .. بهلكد بهلكد .. انتَ كله اروح بهلكد تقبل .. اهلاً وسهلاً متقبل العراق مكوم سايبات

هنا ننصحك يا اخوية الغالي .. اخذ تكسي سايبا .. لأن بيش ميروح يصرفله لأن سيارته متصرف بانزين .. تكول ماطور ذبانة

وعندما تتفق مع ابو التكسي انتبه يا عزيزي العبري ..
اذا كان رجل كبير فيمكن يدوخك بسوالف العيشة الطايح حظها وكالت الحكومه والبانزين والمولدة واللحم لو مرته الي مسممه عيشته

واذا كان شاب فيمكن يدوخك بأغاني الطربكة والعربدة ويمكن يتحارش بالبنات ويسويلك طلابة بالشارع

أخذلك واحد شكله يريح حتى للتتورط ..