شــرح عــن لعبــة الـ Zombies فــي بــلاك أوبــس

السلام عليكم ورحمة الله وبركاتة


اليوم كاتب لكم موضوع حصري لمنتدى العاشق عن لعبة Black OPs: Zombies , عبارة عن شرح مختصر وبسيط بالصور لمساعدة المبتدئين أو الي عنده شيء معين ما فهمه. إن شاء الله هذا حيكون كفيل بحل كل الأسئلة الي في بالكم.


إذا كان فيه خطأ أو نقطه أنا ما ذكرتها أو معلومة انتم حابين تضيفونها لا تترددون بالرد والسؤال ...



بسم الله نبدأ...


البعض منا جبارين في اللعبة هذي والبعض الآخر يمشي حاله, مثلي أنا, بس إن شاء الله بعد الشرح هذا يستفيد البعض ويفهم اللعبة أكثر. اللعبة عبارة عن إنك تحاول تعيش لأكبر عدد ممكن من المراحل ومحاولة التصدي للـ Zombies إنت وأصحابك. في النهاية الـZombies بيغرقونك وبتموت, ولكن حسب علمك بالخريطة والإستراتيجيات الي بينك وبين فريقك هي الي بتساعدكم توصلون لمراحل بعيده قبل ما تموتون.



------------------------------------------------------------------------------------------------------

نصائح عامة في اللعبة:

1. في المراحل الأولى إستخدم السكين, قتلت السكين تعطيك 130$ بدال القتله العادية. سو الحركه هذي إلى المرحله 3-5.2. إستخدام المايك مهم جدا جدا جدا إذا تلعب online مع ناس ما تعرفهم أو مع زملائك حتى.3. لا تبعد عن فريقك جدا, حاول إنكم تكونون دائما قريبين من بعض في حال إن أحد منك وقع أو إنكم تحاصرتم من الـ Zombies.4. في المراحل الأولى, يهني من 1-5 تقريبا, خل الـ zombies يكسرون الألواح الي على الأبواب والشبابيك قبل لا تقتلونهم. علشان تقدرون تبنونها من جديد وتقتلونهم, بكذا راح تكسبون نقاط أكثر في المراحل الأولى.5. إعرف الخريطة والطرق, هذي أهم شيء. إنتبه لا يحاصرونكم الـ zombies. دائما حط في بالك ممر علشان تفقع منه إذا الأمور خربت وحاصروكم.6. إشترJuggernaut من المكينة أول شيء, هذا أهم تقويهUpgrade لازم تشتريه.7. قبل نهاية كل مرحلة, خل وحش واحد أو إثنين بالكثير لا تقتلهم. حاول إنك تكسر أو تقطع رجولهم علشان ما يلاخقونكم بسرعه, ليش ما تقتلهم ؟ لأنكم لازم تصلحون الشبابيك والأبواب الي دخلوا منها الوحوش الي قبلهم, وبكذا تكونون وفرتوا وقت وشريتم أسلحه وإستعديتم للمرحلة الجاية. مهم جدا !8. في المراحل المتقدمة, يعني بعد 14 أو 18, إشتر التطوير الي إسمه Pack-A-Punch. هذا يطور أغلب الأسلحه الي تدخلها فيه. يزيد ضررها ورصاصها وأشياء كثيره تختلف من سلاح لسلاح, فإنت جرب بالأسلحه وشف أحسن الخيارات لك.9. إذا الدعوة خربت وكل شيء ما ينفع, إفقع ! إركض ! إنت أسرع من الـ zombies . خلال هالوقت صرت إنت بنيت بينك وبينهم مساحه تساعدك تقتلهم وتريحك شويتين.10. ركزوا على خطوة رقم 7, لأنها مهمة جدا بنظري. راح تريحكم كلكم كفريق وتساعدكم قبل الويف أو المرحلة الجاية.


------------------------------------------------------------------------------------------------------

مكينات التطوير أو Perk-a-cola machines

هذي هي المكاين الي تقدر تشتري منها تطويرات (Upgrade) لك أو لأسلحتك, وتجد هذي المكاين متناثره ومنتشره في أرجاء الخريطة. وهناك الكثير منها. أتوقع 7 إلى الآن ؟؟ هي الي إذا شريتها يقوم لاعبك ويشرب له قزازة كوكاكولا وتطلع لك صورة التطوير على شاشتك في اليسار.

- تذكر النقطة هذي: إذا الاعب طاح أو وقع على الأرض الـ upgrades الي شريتها من الـ Perk-a-cola machines بتروح عليك ولازم تشتريها من جديد.


1 – Speed Cola

هذي الكولا تزيد سرعت تعبيتك للأسلحه بالرصاص 50%, وأيضا تساعدك على بناء الشببابيك والجدران بسرعة أيضا.التكلفة: 3000 $

2- Quick Revive

هذي الكولا تسرع عليك إحياء زملائك الي وقعوا وتخليك تقومهم بشكل سريع جدا, أتوقع أربع مرات X4 أسرع. مهمه جدا بعد المرحلة رقم 10-15.

التكلفة: 1500$

3- Juggernog


هذي الكولا تزيد طاقتك وتخليك ما تموت بسرعه. بدال ما تموت من ظربتين من الـ zombies, تصير تموت بعد أربع(4) ظربات من الـ zombies العادين و ست(6) ظربات من الـ zombies النادرين.
أهم تطوير كولا في اللعبة , وهو أول شيء في قاموسي أشتريه.
التكلفة: 2500$


4- Double Tap Root Beer


هذي الكولا تزيد سرعت إطلاق الرصاص بنسبة 33% لأسلحة. ميزتها إنه تزيد الضرر, لأن زيادة سرعة الإطلاق = ضرر أكثر في وقت أقل.
بس فيها عيب, إنها تزيد إستهلاك الرصاص بسرعه جدا بالذات بالرشاشات الي هي أصلا سريعة الإطلاق بدون هذا التطوير, فراح تلقا رصاصك منتهي وإنت ما لاحظت.
التكلفة: 2000 $


5- Stamin - Up


هذي الكولا تزيد المدة الي تسمح لك بالركض من 30 – 45 ثانية. وتسمح لك أيضا إنك تركض بنسبة 100% بأي نوع سلاح مهما كان ثقيل بدون ما يبطأك.
التكلفة: 2000 $

6- PhD Flopper


هذي الكولا تمنع تأثير القنابل والبازوكا والـ Death Ray إذا أطلقتهم قريب منك أو تحت رجولك من إنهم يضرونك. وأيضا تزيل الضرر من السقوط من الأماكن المرتفعة. وأيضا إذا قفزت وإنت تركض, تضر كل الـ zombies القريبين منك وانت في الهواء.

7- Deadshot Daiquiri


هذي الكولا مثل Steady Aim. تغير تصويبك من إنه يركز على جسم الـ zombie وتركزه على رآسهم. وأيضا تخفف من ارتداد السلاح وإنت مصوب وتطلق. وأيضا تزيل إحتياجك لحبس النفس أو الهواء وإنت تصوب بسلاح القناص.
التكلفة: 1500 $




وبكذا نكون إنتهينا بتطويرات الكولا أو Perk-a-cola machines...


------------------------------------------------------------------------------------------------------




فيه تطوير آخر وهو فريد من نوعه وإسمه Pack-a-Punch Machine




هذي يطور أغلب الأسلحة ويخليها أقوى بكثير. وأيضا يزيد عدد الرصاص وسرعة الإطلاق ومميزات كثيرة تختلف من سلاح لسلاح.
التكلفة: 5000$


هناك أيضا صندوق العجائب أو الـ Mystery Box




هذا تقدر تشتري منه أسلحه نادره وخاصه فيه فقط, يعني ما تجدها في الخريطه بس داخل الصندوق. طبعا موقع الصندوق هذا يتغير مكانه بعد كم من مرحلة ويتنقل من موقع لآخر.
التكلفة: 950 $



------------------------------------------------------------------------------------------------------




الآن بنتكلم عن المساعدات الي تسقط من الـ zombies إذا قتلتهم:

1- القنبلة النووية Nuke

This image has been resized. Click this bar to view the full image. The original image is sized 1024x768.

هذي تفجر كل الـ Zombies الي حولك وتحرقهم. نفس الشكل الي فوق.


2-النجار أو Carpenter


هذي تصلح كل الأبواب والشبابيك المكسرة الي يدخلون منها الـ zombies بسرعه وبنفسها.


3-القتل السريع أو InstaKill


علامتها زي الجمجمة. وهذي تخليك تقتل الـ zombies من أول لمسه أو طلقه. أحلا وأقوى مساعده برأي, تساعدك على توفير الرصاص وإستخدام السكين بدون خوف.


4- نقاط مضاعفة أو Double Points


تساعدك على تجميع $ نقاط بشكل مضاعف من قتل الـzombies .


5-تعبئة الرصاص أو Max Ammo



هذي تعبئ رصاص الأسلحه الي معك ومع فريقك تماما. حاول إنك تعشق أسلحتك قبل لا تستخدمها.


6- سلاح الموت أو Death Machine


هذي تعطيك سلاح الرشاش الكبير, وبرصاص ما ينتهي ولكن لمدة معينة فقط.


7- التخفيظ الناري أو Fire Sale

شكلها كأنه ميداليه كبيرة.
هذي تمنحك إنت وفريقك تخفيض أو Discount على أسعار الأسلحة الي تشتريها من صندوق العجائب Mystery Box فقط. وأيضا إذا ماني غلطان تستمر لمدة 20 ثانية وتطلع لك صندوق العجائب في كل مكان في المدة نفسها.

- تخفض سعر صندوق العجائب من $ 950 إلى $ 10 بس !!!

----------------------------------------------------------------------------------------------------








وبكذا أكون أنتهيت من شرحي وتقريري,,,

أرجوا إني أكون أفدتكم في فهم بعض الأشياء الي أشكلت على بعض الأشخاص وإن شاء الله تستمتعون أكثر.

إذا كان فيه خطأ أو ملاحظة أو إضافة أو إستفسار حابين تتكلمون عنها, لا تترددون بالرد تحت وذكرها...

تحياتي :



MGRM47@3ASQ.COM

ممممممممممم

مشكور على الموضوع + ممكن id الخاص لك

احس انك فنان

ممممممممممم

مشكور على الموضوع + ممكن id الخاص لك

احس انك فنان

my id:MGRM47