يوميات صيدلي s8

اڷسڷام عڷيڪم ۈرحمـۃ اڷڷـہ ٺعاڷى ۈبرڪاٺہ

أسعد اڷڷـہ صباحڪم ۈمساڪم بأڷف خير إن شـاء اڷڷـہ.. !!

ۈ اهلا

بجميع اعضاء منتدي العاشق وخاصۃ رواد القسم الادبي

اتمني تڪۈنۈا بأتم اڷصحة ۈاڷعافيۃ إن شاء

اليوم اقدم لكم ان شاء اڷڷـہ الفصل الخامس من يوميات صيدلي ان شاء الله يعجيكم

وهو عبارة عن قصص ساخره مكونه من عشرة اجزاء بعنوان يوميات صيدلي

ان شاء الله تعجبكم

واسف علي عدم الالتزام بالجدول الزمني بسبب الدراسه

ارجوا ان ينال اعجابكم هذا الجزء


تنبية .القصه خياليه ولا تمت للواقع بصله والشخصيات الموجودة بها واقع الخيال

واي تشابه بينها وبين الواقع فهو اغرب من الخيال

اه نسيت اقولكم هذه القصه لجميع الاعمار

( المصريين فقط يعرفون هذه مقدمه اي )

العاملون علي الموضوع

مؤلف القصه : dr.mahmoud elmakawy صديقي العزيز

فكرة وتنسيق وكتابه الموضوع : lelouch lamperouge

تصميم : f α н α ɒ المبدع دائما

(يوميات صيدلى) .... الحلقه الثامنه


حلقة النهارده بعنوان ... ( الزباين النكته اصحاب الدم الخفيف )


اكيد كلنا عارفين ان الشعب المصرى معروف بخفة دمه وبروحه الحلوه (زيى كدا طبعا)

حتى في اصعب المواقف والازمات .. وده بيبان حتى مع المرضى اللى بيدخلولى الصيدليه

تلاقى الواحد ف عز تعبه وهمومه وبيهزر وبيضحك .. وده بيخلينى مؤمن بالمقوله اللى بتقول :


اذا وجـدت شخـصاً يتـّصف بالمـرح ويجـيد الدعـابة وإسـعاد النــاس .. فاعــلم ان قلــبه ملــيـئٌ بالهموم !!

بس ده مش فى كل الاحيان .. يعنى ممكن تلاقى واحد طول ماهو ماشى عمال يضحك و يهزر .. دا
عبيط ده ولا ف دماغه هموم ولا زفت


انا من نوعية الصيادله اللى بيحبوا الزباين النكته اللى
تقعد تضحك وتهزر معاك وتسليك على اما تجيبلهم العلاج وعلشان كده انا اخترت النهارده كام شخصيه دمها خفيف بتخشلى الصيدليه


اول شخصيه فكاهيه ف حلقة النهارده .... الرجل الصامت المبتسم

راجل عامله بتاع 50 سنه كده والأبتسامه مابتفارقش وشه طول ما هو ماشى ف الشارع
كل يوم يعدى من قدام الصيدليه ويبصلى وهو بيبتسم .. ومش اى ابتسامه
دا الابتسامه بتاعته من الودن للودن (من الاذن للأذن)


وانا لا أرادى كده لما بشوفه كل يوم وهو معدى باضحك .. وبقول ف ذات نفسى : مين العبيط ده ؟؟

و ف يوم من الايام لقيته داخلى الصيدليه والابتسامه برضه مش مفارقاه ... انا حبيبت اعرف ايه

سبب صمته ده ؟؟

-اتفضل حضرتك .. تأمر بحاجه ؟

برضه عمال يبصلى ويبتسم

-ايه طلبات حضرتك ؟؟

راح مشاورلى وهو بيبتسم على درج فى الصيدليه من يوم ماجيت وانا عمرى مافتحته

ايه ده ؟؟ .. الراجل ده مبيتكلمش ليه ؟؟ .. دا شكله عبيط واخرص كمان

رحت قايله :
- عايز حاجه اجيبهالك ؟؟
راح مشاورلى برضه على نفس الدرج
استغربت ورحت فتحت الدرج لقيت فيه يجى 500 حبايه زرقا وحمرا انواع واشكال وماركات مختلفه وغريبه مقصوصين فرط

رحت سائله :
-عايز واحده منهم يعنى ؟؟
راح مشاورلى بصابعه فيما معناه انه عايز 2


رحت واخد حبايتين ومديهمله وراح عاطينى 5 جنيه وهو لسه بيبتسم وانا كمان بابتسم .. وقبل مايمشى راح مشاورى بصابعه الأبهام ... فيما
معناه بيقولى : انت كدااااا



احلى حاجه ف الراجل ده انه حافظ مكان طلبه .. وبأقل مجهود بيحصل عليه :D

.................

الزبون التانى وهو(الحاج مختار)

راجل عجوز لكاك ورغاى اخر حاجه
بس دمه زى العسل ..
المشكله انه مش بيلوك معايا انا بس
لأ .. دا بيحب يقعد معايا عشان عشان لما زبون يجى يقعد يرغى معاه هو كمان
ويا سلاااام لو الزبون ده واحده ست .. يبقى انتا كده حققتله رغبته الكلاميه


الحاج مختار قاعد معايا في يوم

واحده دخلت
بقولها ايوه عاوزه ايه ؟؟
قالت عاوزه حبوب للامساك

الحج مختار ماصدق وقعد يتكلم معاها شويه
لحد ماوصل انه سألها :
جوزك شغال ايه ؟؟
قالت له :شغال سباك ياحج

عارفين قالها ايه ؟؟؟

(جوزك سباك وعندك امساك)


ان كنت فاكر الست هترزعه قلمين ولا حاجه

لقيتها بتضحك

اخدت نفسي تحت المكتب وفتحت في الضحك
ماكنتش قادر امسك نفسي الصراحه

.....
والله الناس العواجيز دول عليهم كلام يفطس من الضحك .. والله الناس دى ماهيجى زيها تانى
...............
الزبون التالت ده بقه اللى كيفنى شخصيا بقه....

كل يوم يبعت ابنه يجيبله علبتين فيجاسكين لبوس كبار ..

انا من يوم ما وقفت ف الصيدليه وهو بيبعت ابنه كل يوم يشترى علبتين من اللبوس ده
انا الحقيقه استغربت
هو الراجل ده عنده سخونيه مزمنه ولا ايه ؟؟

المهم ف يوم من الايام سألت الدكتور وعرفت السر اللعين اللى مخلى الراجل ده يشترى كل يوم علبتين لبوس فيجاسكين الخافض للحراره


طلع الراجل ده صاحب كيف (مزاج يعنى)

وعارف ان الفيجاسكين فيه نسبة (كوداين(مادة مخدره ))

وعشان كده بيحط كل يوم تلات اربع لبوسات عالشيشه قبل مايشبربها

عشان يتكيف ... شايفين الدماغ الرايقه وصلت لفين


بعدها بكام يوم لقيت الراجل بنفسه جايلى وعايز علبتين لبوس من اياه بس اكتشفت انه روحه حلوه وراجل ابن نكته


-هو انت اللى كل يوم بتبعت ابنك يأخد علبتين كل يوم ؟؟
-ايوا يا باشا

حبيت احرجه وأسأله هو بيجيب علبتين من اللبوس الخافض للحراره ده كل يوم ليه ؟؟


الراجل اول ماسألته سكت ومالقاش حاجه يقولها ..

وبعدين راح رادد عليا بكل تلقائيه وفكاهه رد مقدرتش امسك نفسى من الضحك بعده :


معلش يا باشا اصل الشقه عندى مافيهاش لا تكييف ولا مراوح وانا حران .. اعمل ايه يعنى ؟؟

انتهي
by : lelocuh lamperouge

سيتم التوقف عن قصه يوميات صيدلي لأجل غير مسمي بسبب تناقص المتابعين للقصه وسيتم وضع قصه الفرحه
رد الاعتبار بدلا منها وسأبدأ فيها من الاسبوع القادم
وهذا هو الجزء الاول

الفرحة ... رد الاعتبار

الاجزاء السابقة

يوميات صيدلي s1

يوميات صيدلي s2 ‏

يوميات صيدلي s3

يوميات صيدلي s4

يوميات صيدلي s5

يوميات صيدلي s6

يوميات صيدلي s7

---

التعديل الأخير تم بواسطة حلم القمر ; 05-07-2013 الساعة 11:46 AM

وعليكم السلام ورحمة الله وبركاته .....

كيف الحال اخوي ان شاء الله بألف صحة وعافيه .....

كالعادة جزء آخر جميل ...

بـــ انتظار عودة القصه و بــ انتظار القصة الاخرى ...

وبالطبع ...

تم التقييم + الشكر + احلى لايك ...

السلام عليكم
بصراحة الموضوع رائع جدا وفكاهي ^^

وانا شخصيا استمتعت وضحكت رغم ان طريقة الالقاء لها دور اساسي ..
واعتقد انو حلو يكون الواحد عنده ذكريات حلوة من عمله او دراسته حتى

واشكرك على نقل ذكرياتك الحلوة والممتعة دي
السلام عليكم

بسمـ الله الرحمن الرحيمـ ..
و
السلامـ عليكمـ و رحمة الله و بركاته ..

كيفكـ يا أخوي .. أحمد .. إن شاء الله تكووون بخير .. ؟؟

و سعيد جداً بدعوتكـ الدائمة لي .. و أيضاً سعيد أن أكون من أوائل الردود ..

و كالعادهـ أكيد موضوعكـ جميل جداً و مميّز و أكثر ما يميّزهـ لهجتكمـ الحلوهـ ..

و أعجبني الزبآآآئن .. المبتسمـ و الحاج مختآآآر الرغّاي ( الثرثار ) ..

و تستحق أحلى تقييمـ من الـ ( )

ودي ..

ۇ۶ـلَيَڳّمُ أٌلَسٌلَأًمِ ۇۈۉرُحّمَهٌ أَلِلّهٌ وٌبُرٌڳُأَتِﮭ

أِخًبُأَرُڳُ أٌخِيَ lelouch ..؟ عَسًى أَنٌ تًڳّوَنِ بًصٌحٌهِ وٌعًأًفّيٌهّ..

المُوّضُوٌعّ جُمِيُلُ جًدّأِ .. وًأَلِتٌنِسًيٌقِ أُرٌوّعّ ..

أًلًصُرٌأِحٌﮭ أٌسًتِمُتّعِتُ جٌدِأً بّقٌرُأًءﮭ أِلِقّصٌصٌ أًلَثَلَأًثَ وَ أِڳٌثًرَ شَيّء ۶ـجّبَنيّ أَلُقّصَهُ أًلًثٌأٌنَيًيِهٌ

قّصَهُأُلٌزّبِۇۈۉنُ ( أٌلٌحَأًجَ مِخِتّأًرَ ) .. ضَحّڳِنُيَ ڳَثٌيًيُرَ ..

رٌبّيً يٌعّطٌيًيّڳٌ أًلًفِ عَأٌفِيَهُ عِ أِلُمًوُضُوَعّ أًلٌجَمَيَلَ ..

وّ أَشًڳِـرُ مٌؤلًفّ أٌلًقِصًهِ[dr.mahmoud] عًلّى أًلّقًصٌصَ أِلِرّأُئعًﮭ ۇۈۉ أًلًمِمُتً۶ـهٌ ..

وّڳُذُلٌڳٌ أًلُمِبًــدُعُ [f α н α ɒ ] لُتٌصًمُيّمُــ أِلٌطَقُمّ أَلّرِأًئـ۶ـ ^^

وّوّفُيٌ أَنٌتًظُأِرً أَلّقّصِصُ أُلًقِأُدَمّهّ بّشَوٌوٌوٌقّ... وٌجٌأَرِيٌ أِلًتَقٌيَمً + أًلُشُڳِرُ ..

السلام عليكم ورحمه الله وبركاته
كيـــفك اخي ؟؟ بخير ان شاء الله
خلينا نتكلم مصري احلى شئ
اني مش محتاجه ترجمه للقصه ههههه
ربنا يعينك على الدراسه
طبعا القصه تحفه جدا
والمعروف انوا المصرين وشوشهم بشوشه على طول
امممم يعني معنى كلامك انك معنتش هتكمل
القصه ؟؟
للأسف كانت عجباني
لانها بالمصريه وكمان ممتعه
على اي حال شكرا على الدعوه
والسلام عليكم ورحمه الله وبركاته

السلام عليكم
كيف الحال اخي؟
عساك بالف خير
واخيرا نورتنا بالفصل الجديد
هذه المرة تاخرت عنا
بالفصل الجديد
وعن مغامرات الصيدلي
المهم لان طيل عليك
الكلام الموضوع رائع
ومميز وبالتوفيق
لك في اعمالك القادمة

وعليكم السلام ورحمة الله وبركاته

أسعد الله اوقاتك بالخير والسعادة أخي

من زمان ما قرأت يوميات صيدلي الفكاهية ههههه

ههههههههه هذه المره مواقف الصيادلي حلوه ومرحه

أتخيل الموقف لو كنت مكان الصيدلي ، ههههه بنفجر ضحك

مشكور يا أخي ولكل القائميين معك بالطرح الرائع

والله يعطيكم الصحة والعافية والراحة والسعادة

ازايك ؟ عامل ايه ؟ اخبارك عامله ازاي؟ ان شاء الله تمام و الحمد لله

مجموعة القصص و الشخصيات اعجبتني جداً ، خصوصاً الشخصيات المعجزة

اكثر شي حبيتو " السباك " دي مفطساني ضحك

احسنت ، وفي تقدم مستمر ان شاء الله ، و التنسيق ابدآآاا‘ع

بالتوفيق | نايومي

السلام عليكم ورحمة الله

كيفك أخي الغالي

إن شاء الله تمام

ما شاء الله الإبداع منك لا

يتنهي بس صراحه قرار توقيفك

للروايه ماعجبني هذا هو إلي

بيخسرك المتابعين بس إذا

تشوفه صح الله يوفقك يالغلا

وسلمت يداك أخي على هذا

المجهود الذي لا يوصف

تقبل مروري البسيط

تحياتي