اسباب غضب الله على العراقيين ....

السلامـ عليكمـ

تحية طيبة

لأعضاء العاشق الكرام

ان ما حدث في العراق من قتل و ذبح بالناس و بالاخص الشباب الذين هم زهرة المجتمع

و كذلك الدمار و الخراب و انعدام الامن و نقص الخيرات و ابتعاد البركات

هذا بالاضافة الى الشحة الكبيرة في المياه كمياه دجلة و الفرات كما تلاحظون

و مياه الامطار اذا انعدمت مياه الامطار في الاونة الاخيرة

هذه الامور الا تؤكد على ان الله سبحانه غاضب على سكان العراق ؟

و قد يتسائل البعض عن السبب

اجيبه ان غضب الله لهذه الاسباب :

1. الكفر

( دتلاحظون اكو ناس على ابسط شي تكوم تكفر و مو بس الكبار لا

انشملت على الصغار بعد و كامو يتفننون بالكفر ... الله يبعدنا )

2. عدم اعطاء الله حقه

( و خصوصا بالعبادة و مثل مدا تلاحظون اكو ناس ما تصلي و اكو ما يصومون

و اكو ما يزكون و هذا حق لله على العباد و اكو بعد يشربون

منكر همين .... و العياذ بالله )

3. انتشار السرقة و اكل المال الحرام

( اني ما اتكلم عن البوك و النشل لان هذي اشياء حدث و لا حرج

لكن اتكلم عن نوع آخر من اكل المال الحرام و هو

اكو ناس بدوائر الدولة تجي للدوام يوم واحد بالشهر و هو يوم استلام الراتب

و باقي الايام ما يحظر و ياخذ راتبة كامل الا يعتبر هذا اكل مال حرام )

4. انتشار الغيبة و الكذب

( و هذا صار شي اساسي بالمجتمع العراقي يعني واحد يحجي على الاخر

و واحد ياكل بالاخر هذا غير الاتهام بالباطل على الاشخاص

يعني يسوون الحبة قبة )

5. انتشار الرشوة

( و مثل مدا تلاحظون بهذا الزمن ماكو شي يمشي بلا رشوة

يعني ابسط شي بالبانزين خانة اذا تنطي للموظف 1000 دينار

يدخلك حتة لو اليوم مو سراك )

6. انتشار الحسد

( هذا هم صار شي عادي بالمجتمع العراقي يعني الواحد ما يدعي حتة يصير

مثل اخو العراقي لا يحسدة حتة ينزل و يصير اقل منة )

7. وجود الشخصص الغير مناسب في مكان عالي جدا

( و مثل مدا تلاحظون اكو ناس ماخذة رتبة مدير عام او مرتبة اعلى

و هوة ما مخلص ابتدائية و ما يعرف شي )

8. دعم الاحتلال و عدم قتاله

( و هسة اكو ناس تدعم و تشجع الاحتلال بدل من محاربتة

و هذا حتة ورة كل التخريب الي سوا و يسموهم ديمقراطية )

9. الادعاء بتحريف القرآن

( هسة اكو ناس تكول انو كلام الله محرف و هذولة موجودين )

10. سب صحابة الرسول ( عليه الصلاة و السلام )

( اني دا اقصد بالصحابة همة المهاجرين و الانصار بصورة عامة

لان اكو ناس هسة دتسب بيهم و تشتم بيهم و تتهمهم انو همة خانو

الرسول زين هذا رسول الله و ما عرف يختار اصحابة )

11. عدم ايصال الرحم

( هسة الناس كلهة حايرة بنفس يعني ما تسأل عن بعضها البعض

و صارت الاجتماع وية الاقارب ما يصير الا لفاتحة او عرس حصراً )

12. اكل البعض للبعض

( و هذا منتشر بالاكثر بدوائر الدولة يعني مثلا اكو فد موظف عندة رتبة مدير قسم

غاب عن الدائرة لمدة شهر لظرف حيل طاريء يكوم واحد يروح

يوشي للمديرالعام حتة يطلعة حتة هوة ياخذ مكانة )

فيا اخوتي بالله عليكم ان سبب واحد من الاسباب اعلاه

كفيلة باهلاك المجتمع

و تذكروا قول الله سبحانه

( إن الله لا يغير ما بقوم حتى يغيروا ما بأنفسهم )

فغيروا انفسكم ليغير الله حالكم

ملاحظة : الموضوع بقلمي مو نقل

.
.
.
.
.
.
.
.

تـ ح ـياتي