لاتغيب هواي

صار سنين صابر والگلب موجوع

أضحك بالچذب وبروحي أحزاني

وأگول تهون لازم كل مصيبة تهون

أشو عد المصايب ثبت عنواني

عشت عمري غريب وبس اداوي جروح

ولا اذكر بشر في يوم داواني

شسولفلك شگلك ع الجرة بدنياي

يخلص كل حچي وماتخلص اشجاني

أنا العايش حلم واليقظة حرگة ويل

من يوم الولادة القهــــــر خاواني


فاقد كل أمل إلا بوفاك وياي

ولاغيرك يهمني ولا اريد آني

لأن بسمة شفاتك لية صارت روح

ولأن نظرة عيونك عندي شي ثاني

وأحس روحي بلهفتك من تكون وياي

وأحس بأحضانك انت الزمن يرعاني

وأريدك بس أريدك ماتغيب هواي

لأن والله بغيابك موتي يدناني

اميرة عاشق

كلمات تكتب على ورق من ذهب


كلمات رائعه غاليتي واحساس اروع


والاروع من خط هذا الطرح


لك كل الحب والتقدير


دمتي بود


سلامي

علي

أي جمال يسكن بيت القصيد هنا..!!وما هذا الإحساس الذي
يفوق الروعة والنسيم عليل ينفث طيبه وقطرات ندى تتساقط هنا وهناك
سلمت وسلم لنا حبر انتقاءك العطر
ورودي هنا أتركها
لك خالص الأمنيات وأرقها

الاخ علي
شكرا لمرورك
الذي اعتدت عليه لاارتشف من عذب الكلمات
التي تنثرهافي ردودك المتالقة دوما

لااروع هو مرورك اخي مالوم قلبي
وماننحرم من طلاتك الحلوة على مواضيعنا