موضوع جمييييل"" عن المراه "" وشوي مضحك" بليييز ابي ردود

بسم الله الرحمن الرحيم
نبدا الموضوع الرائع
عن المراه وايش تسوي الموضه فيهاا

...نبدا بالموضوع على طول..


من المعروف أن تقدر تتحمل آلام ما يتحملها أقوى الرجال وهذا الشي مو جديد
علينا ومعروف لدى الجميع بس الجديد هو الي بقولكم

في يوم من الأيام قرأت مقاله ورد فيها عباره تقول:
(( تتحمل الآلام من اجل جمالها))
وقفت عند هالعباره كثير
وحبيت اني أخوض فيها
لقيتها صحيحه مليون في الميه

============================== =

يعني الكعب الي يلبسونه الحريم وكما يسمونه (( الشوكه )) من اسمه يخرع
هذا الكعب الله يسلمكم أتحدى رجال يمشي فيه متر واحد والله اني استغرب بعض الأحيان
الوحده تلبسه وتروح مناسبه ولين رجعت وفصخته تترحم ((تقول أسيرأطلقوا سراحه)) تقعد تتشكى وآآآآآآآي يا ظهري ومقدر أحركه وحاله (( طيب وش الي حادك يوم تلبسينه ))؟؟ أنا أقولكم ليش عشان تطلع طويله ورزه
باختصار عشان تطلع أحلى...!!!؟؟

=================

صارت مناسبه والبنت تبي تروحها لها لبست وتكشخت وما لقت جزمه (( الله يكرمكم )) تناسب الفستان وش تسوي لازم تلبس شي يناسب
تروح تحوس عند خواتها تلقى وحده مناسبه تقوسها تطلع ضيقه وعناد إلا بتدخلها (( تذكرني بخوات سندريلا )) وأخيرا قدرت تحشرها برجلها وراحت المناسبه والمسكينه رجعت ورجلينها وارمه ومحمره ((طيب ليش)) كل هذا عشان الكشخه عشان تطلع اجمل وأحلى..!؟؟

======================

بعض البنات تلتهب إذنهم من (( الحلق )) واذا طلعوا مكان لازم يلبسون حلق ولازم نفس لون البس ومايمدي الوحدة ترجع إلا على طول تفصخه هذا إن ما فصخته بالسياره بعدين تروح تغسل مكانه بماء بارد وتحط كريم وحاله
كل هذا عشان تطلع أحلى..!؟؟

=================

وفيه حلق نازل قبل فتره يكون طويل وكبير ما تتحمله الإذن البشريه يعني يالله إذنين فيل عشان تناسب حجمه>>>>مع كل احترامي بس والله اني استغرب من الي يلبسونها خطر تقطع إذنهم بس وش يسون يتحملونها عشان الموضة عشان يطلعون أحلى..!؟؟

==================

العدسات الملونة ما تناسب عيون الجميع و بعضهم يلبسونها وعيونهم تحمروتدمع وتوجعها بس الضعيفه مقاومه ومتحمله عشان تطلع أحلى...!!؟؟

==========


ولا التسريحات بالعروس ((وما أدراك مالتسريحات ))حدث ولا حرج يمكن البعض ماقد شاف درازن التوك والبنسات المدعسه في هالتسريحات يعني لوالوحده تجيها خبطه على راسها يمكن يتخرم من البلاوي الي تحت التسريحه وبعض التسريحات ثقيله ومليانه اكسسوار وبعضها يوجع الراس ويكون مشدود طيب ليش مستحملين العذاب عشان تطلع أحلى...؟؟؟

===============

والبعض ما يتحمل الظل أوالكحل لأن عينه حساسه ويحطونه وعيونهم توجعهم وترجع البنت وأنواع القطرات وغسول العين ((من البلاوي الي حطتها)) طيب ليش تحطها وعينها ما تتحمل...!!؟؟ يا خزياه تبونها تروح بدون ما تكمل المكياج جعل عيونها تنحول أهم شي الكشخه عشان تطلع أحلى..!!؟؟

================


بعض الحريم تبي تلبس فستان ضيق والكرشه ماتساعد ابد تروح تلبس مشد ولا يخفى على الجميع ما يسببه ذالك المشد من آلام..يعني الي يلبسونه يترحمون حتى ما يعرفون ياخذون نفس منه ويمكن ما يتعشون حدهم الشاهي بس مافي أمل الفستان بينشق كل هذا عشان تطلع أحلى....؟؟!

============

والبعض نفس الشي تنانيرهم ضيقه مره السحاب شوي و بينقطع تلقاهم اذا جو يتعشون فكو السحاب عشان تدخل القمه ياحرام ليش...!!؟؟ عشان تطلع أكشخ وأحلى..!!؟

==============

ولا الوحده اذا طولت هالأظافير تحسبونها مرتاحه فيها تكذب عليكم لو تقول إنها مرتاحه وأنا اعني بتطويل الاظافر الي مو صاحي يعني انسب شي سنتي متر واحد هذا اكثر شي وبعده تقرف وتتحمل البنت عشان المناكير والموضة والحركات عشان تواجه وتطلع أحلى...!!؟؟

=================


لا وبعد أزيدكم من الشعر بيت اذا جت الوحده تروح العرس تقول أسلحة دمار شامل على راسهاطيب ليش تتحمل ها لأسلحه عشان تطلع احلى..؟؟


===================

موضووع روعه
اذا واخيرا اعتدلت
وعدت الى صف
المرآآآه يعني
لفيت ورجعت
باركلي بآآآكر
بآآآروح اطلع
السيارهـ

سراحة حلو الموضوع

مشكوووور ما قصرت صراحة
ما يكفي في حقك حتى 1000 شكر

مشششكورهـ موضوع آكثر من رآئع جزيت خيراً خيتو..

والله الموضوع حلو بس هوا خاص بلبنات