شرح شـب الغـرام واشعـل الشـوق..فينـي.

أمـوت مـن فرقاك .. و أموت بلقاك
وأموت من جورك .. و أموت بحنانك
كـلٍ قـضاه يـموت مرّه .. و يفداك
و أنـا أمـوت ألـفين مرّه .. عشانك
أذكـرك .. لا مـني نسيت إني نسيتك
أنـساك .. لامـني ذكـرت نـسيانك
رضـيت أنـا بالهم لرضاك .. مرضاك
و ارخصت لك قلبٍ جرحته .. وصانك
أجـيك في صدري عتاب .. و أبجفاك
و أرجـع ألـوم الوقت و أقول .. خانك
أحـب فـيك .. احساسي إني بلاماك
فـي عـز خـوفي منك .. أحس بأمانك
عـجزت أفـرق بين وصلك .. و فرقاك
يـاللي عـطيت الـناس بيدك .. عنانك
مـر ٍ تـجيني لـين أقـول إنـي .. وياك
ومـر ٍ تـروح بـعيد .. وانسى أوانك
أقـبل و تقفي .. و اعتذر عن خطاياك
و أقـول مـا عـييت .. عـيا زمانك
و إن خـانتك دنياك .. أو خنت دنياك
إرجـع و تـلقى بي .. مـكانك.. مكانك



•°°°••°°°•



ظماي انت .. ومن يعشق ضماه غيري
جروحي انت .. ومن يكره دواه
اسقني لو ما ارتويت .. داوني لو ما شكيت
ماهقيت اني اعطش .. في حياتي لغيرك انت
مادريت ان مابه أغلى منك ..الا انت
ما تصور ان عيني مره تغفى وما اشوفك
ما تصور لو يطول الصمت ما اسمع حروفك
تدري احساسي بخوفي هو أماني
لما تسأل عني ليله عن مكاني
ما تصور كيف تحرقني الثواني
شمعه في ليل انتظارك..!
ياللي يسبقني زماني .. من عطش .. ليلي ونهاري
عطني موعد .. وانسى موعد
بس لا... تهجر وتبعد
يا ظما قلبي لقلبي .. وغربة اعيوني عن عيوني
وينك انت
ياترى الليله في صدري
لا ..
في جفني
لا ..
في الشعور اللي خطفني
اه ... لو تدري بشوقي
آه ... .يا ظما الدنيا بعروقي



•°°°••°°°•



ياويـل قلبـي عليـه .. وألله يعينـه
عليّ كل مااذكـره وانويـه وآكنّـه

اغليه لو غـاب منـه لأصعبـي لينـه
وتوله عليه الضلوع اللـي لهـا خَنّـه

محتاج اضمـه ليـا زفْـرَتْ خيزرينـه
وارويه .. واشهق سؤالين .. بْمِيَة كنّـه

وش حيلة اللي شماله ضاق فـي عينـه
دام المدى جرح واطراف المدى الونّـه

ودام الصدر عرش .. وجروحه سلاطينه
لو ينتحـر تعتقـد مايدخـل الجنّـه




•°°°••°°°•




حبيبي ماكفاني في الحضور
الصوت والصوره....
ولاطفت لهيب الشووق
ثنتين تحلاني
سقى الله ليلة فيها القمر غاب
وطفا نوره...
بعد ماسلمك يانور ليلي وجهه الثاني
سقى الله يوم كان الحب غصن
نقطف زهوره...
عسى الريح اللي اومت به تنام
ويسعد الجاني
حبيبي علها تكبر جروح منك مغمووره...
.نصيب جابني لك...باتجاه الشمس وداني
ذخرت اغلى شعور وكل خفاق
ومذخووره....
لعينك يالجريح المستريح القاصي الداني
وشلتك داخل الوجدان حمل
لذ لي جوره...
ولو اشغلتني واشغلت بي
تفكير خلاني
اب اولع لك الدنيا قصايد عشق منثوره...
واب اعزف لك نغم للحب
ياقيثاره الحاني
عليك عيون ناس وكل قلب ضاق بشعوره...
تمنتك العيون وجيت
ياعيني تمناني
احبك....كيف مااحبك...وانا اللي لك بنى سوره...
على جمر يدفي بارد اشجانك
من اشجاني
حبيبي والمشاعر فيك مختاله ومغروره...
تدلل...وانت في ساعه غلاي اليوم وحداني
واذا ملت خطاك الدرب مسموحه
ومعذوره....
تناساني دخيل الحب.. لو تقدر تنااساني



•°°°••°°°•




اشعليـني
ولعينـي
واحرقـي قلبـي وعينـي ..
عاشق بردان بدفـا
وانتي حضنك موطنـي .. / واحيـان منفى !!
ما ابينـي
آه ياشين الشتاء
كان مابه حضن دافـي ... !!
وآه يازين الشتاء
لا احتواني حضن دافي ... !!
بس متى .. / بس متى
دلعينـي
وديري بالك تزعلينـي !!
طفلك المجنون طايش
شرعي له كل ابواب المحبه ..
والدرايش
ودلعيه اكثر
واكثر
ناقص شوية حنان .. / وناقص شوية أمان
وناقص شوية دلع
عايش وماهو بعايش
والزمن يابنت ذا ماله خوي .. / وماله امان
وانتي وصلك موت
وبعدك ممات ...!!
وانتي بعدك موت ..
ووصالك حياة ... !!
جمرتك
صرت اشتهيها
بحترق منها وفيها
اشعلي بركان فيني .. / له ثلاث سنين
خامد !!
وانسفيني
لي متى والقلب صامد
يابنيه ..
كان عندك لـ اللقا والوصل نيه
ذي يديني
مدري حبالك .. / قبل حب المنيه !!



•°°°••°°°•




شـب الغـرام واشعـل الشـوق..
فينـي.
حـرك بقايـا قلـب ميـت ..
مـن اعـوام ...
ذوب جليـد الدمـع باطـراف.. عيـنـي
يمكـن دموعـي تغسـل "وجيـه الاثـام "
وقـل للجـروح المقبـلـه.. لاتجيـنـي
من مات قلبـه ماسئـل كيـف ؟..
لـ عـدام ..
ان مانسـيـت الـجـرح..
ولا نسيـنـي..
كله سوا عندي .. صحى الجـرح ,او نـام ...
امــا فــراق "وبالشـقـا" يغتشيـنـي
ولا وصــال .. وتحـتـرق فـيـه الالام
كـم لـي وعنـاب اليمـن فـي يدينـي..
لاذقـت منـه .. ولا وصلـت لبلـح شـامـ
"بـهـر دلال الـحـب"..
" كـانـك تبيـنـي".....
ثم صبها واشرب معـي نخـب الاحـلام
وابشـر..
بفنجـال الغـلا مـن يميـنـي...
واعيّشـك..
فـي ليـل وشمـوع وانغـام ..
واشعل اصابع راحتـي لـك..
(ودينـي)
انـي لاضمـك مـن هنـا لاخـر العـام
طالبـك تكفـى عيشنـي ..
.واحتويـنـي
جرب تعيش الحـب مـره..
بـلا اوهـام
وان مارضيت ( ارحل )
[ترى اسرفت فيني]..
وتـرى فراقـك ..
"لاقعـد بـي ولا قــام "