لا تتصل طابت النفس

لا تتصل طابت النفس





لاتتصل طابت النفس مابيك
........ مابيك دامك في المشاعر تسلا

مسحت رقمك والرسايل وماضيك
........ مابيه يااللي منك مابيه كلا

خلاص أبرحل عن غرامك وأخليك
.......... دام الغمام اللي بعيوني تجلا

شوف شخص ثاني يشبهك في مباديك
............ دلو الخيانه وسط قلبك تدلا

وإلأ مثل شخصي خساره يحاكيك
.......... ياللي فؤادك باالخيانه مُحلا

أول حبيبي ياحبيبي وأنا أغليك
......... واليوم مالك في ضميري محلا

خلاص بانت لي حقيقة مواريك
......... نجمك هوا من بعد ماهو تعلا

ماعاد أحبك أو أودك ولا أبغيك
........ وفؤادي اللي يعشقك عنك ولا

ولاعاد ترجعلي ويكثر ترجيك
....... قلبي إذا أنه عاف عاف وتخلا

كلمات روعة ..

بس كلها فراق ..

تسلم إيدك مشاعر ..

تحياتي اللؤلؤية

^_^

سلمت أناملكِ على القصيدة الرائعه
ننتظر جديدكِ القادم
فلك تقديري وأحترامي
دمتِ بنقاء الوردوالياسمين
الف شكرلكِ على ماخطته هذه الانامل الجميلة
تقبلِ فائق احترامي لكِ

تحياتي

علي