,, آآآآآه يآآزين الوفاء لاصار بين العاشششقين

صدفه جابتني لدربه من بعد خمسة سنين..
والله إني من سمعته كلم البايع عرفته..


إلتفت بلهفة اللي حيل مضنيها الحنين..
لكن الصدمه عظيمه شايل.ن بيديه بنته..


ومعه أم البنت تمشي شابكه فيه اليدين..
وقتها دارت بي الدنيا وحزني ما احتملته..


حارت دموعي وأواسي نفسي: يا شوق ;اليقين..
وصرت أفكر يعني يعرفني مثل ما أنــا عرفته..


وإلا ناسي قلبي اللي مارضى بغيره ضنين..
دق جواله ونزل من على الاحضان بنته..


وخثعت بنته ونادى: شوق لا لا توقعين..
قمت أناظرها ودمع احتار بعيوني ذرفته..


استوت هالدنيا عندي عادي لو موتي يحين..
انحنيت أبوس شوق وخدها الايمن لمسته..



التفت لي وقال لي: ياهيه فيها وش تبين..
قمت أتجاهل واسوي نفسي كني ماسمعته..



قال: يااختي ابعدي عنها ولاتستهبلين..
ويوم قرب لي, بعيني من ورا الطرحه خزرته..


وإنكسر صمتي وقلت: الله على الدنيا يعين..
طاح جواله, تلعثم قال: أنا بحلم.ن حلمته..


وإلا واقع فهميني ليه عني تبعدين..
ليه عني ماسألتي وأنا هذا الكون بعته..


لجل عينك ياعيوني وما أظنك تجهلين..
أنا من بعدك يا شوقي حتى طاري العرس عفته..


ناظري فيني وشوفي كيف من بعدك حزين..
والله إني ما أنام إلا وماضينا ذكرته..


أنتي وحدك من جعلتي قلبي القاسي يلين..
أقسم بربي غلاك بيوم ماعمري جحدته..


ماإلتفت لبنت غيرك ما سمعت العاذلين..
ماسهجت دروب غيرك دربك اللي بس سهجته..


وش أسوي لجل ياروحي كلامي تصدقين..
حتى شوفي هذي أختي تشهد بصدق اللي قلته..


وهذي طفلتها على اسمك اسمها وتستاهلين..
صدقيني مانسيتك حبك الصادق حشمته..


حتى حرف الشين منك باقي له بإذني رنين..
قلت: ماجد, قال: سمي, قلت: أنا والله صنته..


حبك اللي كان أصفى من ورود الياسمين..
كم طلبني واحد.ن غيرك وأنا لجلك رفضته..


وكم تحملت الغثاء واسمع شماتة شامتين..
وكم لجل عينك بكيت وحتى ليلي لك سهرته..


حيل ذابحني غيابك وفرحوا بي الحاسدين..
وأنت تدري بأن حبي ماأبالغ لو وصفته..


بأنه أصدق حب يحصل في حياة الصادقين..
قال لي: يا شوق ربي يشهد بدمع.ن نثرته..


ويشهد إني وافي لحبك ولاسرارك أمين..
إرجعي لأبوك قولي: نصفي الثاني وجدته..
واحتريني جايب.ن مهرك ودبله باليمين..


إبتسمت وقلت في نفسي حرام إني ظلمته..
ثم طلعت من المحل والفرحه بعيوني تبين..


وقمت أتمتم في طريقي: هذي أخته,هذي أخته..
وآآه يازين الوفاء لاصار بين العاشقين

كلام حلو كتير

شكرا

ارجو ان تتقبلي مروري

تالين
استنشاق جميل جدا للكلمات وحروف كانت رائعه بحق
القصيدق قصيره لكن المعنى العام قد وفا لها المضمون
الذي كتبت لاجله وهمساتها جميله تناظريه بين الاحبه
سلمت لنا تلك الانامل التي خطتها وانشئتها ..
تقبلي مني آطيب تحيه

مهن د

ما أجمل العاطفة
حين تصرف لمحب ,
ويالروعة الكلمات
التي تُغدق نثراً في
حبها
خاطرتك رائعة كروعة
قلب كل محب
ودي قبل ردي اختي

كلمات جميلة
و