شعر عتاب قوي

قصيده للقـــــلــوووب الخاينه

--------------------------------------------------------------------------------
لا ردك الله لا ولا اطلـب ترديـن .....
......ادعي عليك بعثـرة فـي صلاتـي*
عثره تشلك مـا بعدهـا تقوميـن .......
....يـا قاتلتنـي يـوم صرتـي حياتـي*
خدان لك بالقلـب كانـت بساتيـن ......
....وريضـان وغصونـا بهـا يانعاتـي*
كنتي مناة القلـب والـروح والعيـن ....
.....واليـوم عينـك يعلهـا مـا تباتـي*
كنت أحسبك للعهـد والحـب توفيـن ...
....قلتي الغدر بالحـب ماهـي بسواتـي*
وحلفتي يمين الله ما منـك اثنتيـن.......
.....وانـك مـلاك دون كـل البنـاتـي*
وانك على عهد المـودة تسيريـن .......
......ولا تسمعين أهل الحسد والوشاتـي*
وصار اليمين ستار خلفه تواريـن ......
......ورماح غدرك بالخفـا مشرعاتـي*
وبان الغدر سم جـرى بالشراييـن ......
......الله عسـى يسقيـك سـم الفعاتـي*
كلي سقيتك حب واليـوم تنسيـن.......
......تقولين حلـم ايـام واليـوم فاتـي*
خذتي الهوى لعبه على مـا تحبيـن ....
......لين عصفـت بالهـوى عاصفاتـي*
من زينك يا بنت بالشعـر تزييـن .......
..... مـن صـورك بابياتـه الطايلاتـي*
انا من غرامي قلـت كانـك تذكريـن ...
... قلت الخجل صاب البدر مـن مناتـي*
وصرتي بشعري في العذاري تباهيـن...
...تقولين انا شمس العصر فـي حلاتـي*
زينتك بشعري ولا غربك الزين ........
........ما زانتك صبغات حمر الشفاتـي*
صورتك بالشعر حزام ورياحيـن .......
......واثرك هضاب وشوك ما به هداتي*
رسمتك سحابه خير قطـر تنفيـن ......
........فزت لك الصحراء زهور ونباتي*
رسمتك مهاه للجميلـه تقوديـن .........
......واثرك قطيعه وضيعتهـا الرعاتـي*
واثرك غراب يوم سدل الجناحيـن .....
......كنت احسب اني شايف لي قطاتـي*
بالشعر غليتك علـى كـل غالييـن .....
......واثـرك دنيـه وتعشقيـن الدناتـي*
وبالشعر عاتبتـك عتـاب المحبيـن ....
.....انا من يسوم الروح لك يـا غناتـي*
توسلت لك خايف على حـب عاميـن ..
.....عامين لكـن فـي حسابـي مئاتـي*
ناديت لكن لي ابد مـا تسمعيـن .......
....عمري وروحي فكـري فـي ثباتـي*
حذراك للشينات عمـري تماشيـن ......
......عديمات اصـل اخلاقهـن دانياتـي*
غاب الولي عنهن ولعبن بحبليـن ........
........يا خس واليهن وخـس الولاتـي*
ما همهن في الناس زين ولا شيـن ......
.....وقلوبهـن مـن حقدهـن مظلماتـي*
وقلتي وربك لو يكونـا ملاييـن ........
......ما غيرن بالطباعهـن مـن سماتـي*
تحسبين انـك بالمهافـه ترقيـن ........
.........كيف الصعود يكـون للهاوياتـي*
وخنتي وبعتي كل عهـد واياميـن ......
......ما عاد يفرق بيـن ماضـي واتـي*
وصرتي مثل غيرك برخص تبيعيـن ....
.....يا مرخصتني ما بقـى لـك غلاتـي*
صبري نفذ واليوم ثـارت براكيـن .....
........مظلوم انا وباكر تحـل ادعواتـي*
سمعي عسى من بعدها ما تسمعيـن .....
..سمعي دعا من صـار قلبـه حصاتـي*
ادعي عسى من ناضرك ما تشوفيـن ...
...وتطحن بك الايـام طحـن الرحاتـي*
وعساك عوق منه ما عاد تبريـن ........
......عوق تشافق لـه قلـوب العداتـي*
ويالله عسى يحتار فيـك المداويـن .....
......تبين الممـات ولا يجيـك المماتـي*
ويالله عسى كف الندامه تعضيـن .......
.......تندمين يوم انـه يفـوت الفواتـي*
وتبكين دم يسيل من مقلـة العيـن ......
.......وتحتار امك عن عنـاك وتحاتـي*
عسى ما تلاقي من له القلب تهديـن ....
....وان حصل ادعـي عسـاك الشتاتـي*
يا بلوة اللي وسـط بيتـه تعيشيـن .....
.....ساهي وحوله شب جمر الغضاتـي*
عسى بعمرك ساعـه مـا تهنيـن .......
.......وتمضي حياتك بين هـم وشقاتـي*
يا بنت قلبي وين مثلـه تلاقيـن ........
.........قلبا عطاك الحب ما قال هاتـي*
جيتك وروحي شلتها لـك بكفيـن .......
.....وفي التاليه رمـح الخيانـه جزاتـي*
يالله عساك النار يـا أم وجهيـن ........
........كله انكشف لا ما تفيـد العباتـي*
ويالله عسى تلبسك جـن وشياطيـن .....
.....وتكونين مدعاة الحكـي والشماتـي*
يـا حيـة رقطـا تقـود الثعابيـن .....
....باكـر تحـن ايـامـك المعتمـاتـي*
وباكر على فعلك بمثله تجازيـن .......
.......ظلم المشاعر ما تحكمـه قضاتـي*
بيني وبينك تحكـم ايـام وسنيـن .......
.....وانا شاهدي قلبا مـن الغـدر ماتـي*
ويا دمعة التمساح لالا تذرفيـن .........
........العيون رغم ادموعهـا كاذباتـي*
لا ما عرفتي الحب لا ما تحسيـن ......
.......وغدرك تعدى غدر ذيب الفلاتـي*
الذيب يعوي قبـل يغـدر بمسكيـن ....
....وانتي غدرتي خافقـي فـي سباتـي*
لو كان غدرك في كفـوف الموازيـن ...
...لكـان رجـح كـل غـدر البنـاتـي*
انتي السبـب سقتـي علـى القلـب ...
....جرحين غدر الغرام وموجع الذكرياتي*
وانتي السبب واليـوم لالا تلوميـن ....
... وان جاك باكر شوفي اشلـون يأتـي*
والله لاكتب وافضحك فـي دواويـن ....
.....وارقص واغني يوم خبـر الوفاتـي*
وارسم لاهل العشق قلبا وسهميـن .....
.......وقصة خيانه ما روتهـا الرواتـي*
ويمين لانشر فوق اسمـك عناويـن .....
...واشهرك من قاصي اليمـن للفراتـي*
ومن غرب هالدنيا الى قاصي الصيـن ..
...ديـوان غـدر فيـه كـل اللغـاتـي*
والبادي اظلم سنة العيـن بالعيـن .......
......والا فذي لا عادتـي ولا صفاتـي*
ويا شبه انسانه بـرأس ورجليـن ......
.......اعوذ بالرحمـن منـك بصلاتـي*

________________**
مما راق لي*

تقبلو تحياتي ولاتنسون الردود والتقيم

بجد احاسيس رائعه


تقبل مروري المتواضع

هلابك نورت الصفحه

تسلميييييييييين قلبوو

شعرررركـ خطييييير وجبتيهآ ع الجرح

ويعطيييك الف اف عافيه

تقبلي مروووري

يسلمو على الكلمات الراااائعة
واصلي ابدااعك اختي رووح مغليها

تحياااتي ^^السفااح

بجد كلماات حلوه وراقيه
اهنيك عليها
اتمنى لكي دوام التوفيق
تقبلي مروري وتح‘ـيـآتي
أحلى تقييم لكي

مشكوري حبايبي مروركم عطر صفحتي،،