كل شي الا التّفرق ماحسبنـا حسابـه

رحت يم الطبيب اللي يداوي الجروحي
قال جرح المـودّة مـا يسـر الـدوا بـه

قلت قلبي تكلّف يا الطبيب النصوحـي
قـال طبّـه مـع اللـي ولّعـه وإشتقـى بـه

قلـت بالله تجمّـل دلّنـي ويـن أروحـي
ويـن أبلقـى علاجـي و الأداوي تشـابـه

أوّل الليل أهوجس و آخـر الليـل أنوحـي
وا عـذاب المولّـع بالهـوى وا عذابـه

صابني بالعيون والحجاج الذبوحـي
و أحمـر المبسـم اللـي مـا يعالـج صوابـه

منك روحي خطيرة يا حبيبي تروحي
الهـوى يذبـح العاشـق وهـو مـا درابـه

ليت عينك تشوف وليت مسمعك يوحي
يوم انادي ودمعي مثل وبل السحابـه

اه من واهج اه بأقصى الضماير يفوحي
كل ماشرب عليه الماء يزيد التهابه

ياحبيبي علامك بالمواصل شحوحـي
ارحـم الـي معـاك مـا جابـه الـورق جابـه

جاك علم الصحيح و راح هرج المزوحي
كل شي الا التّفرق ماحسبنـا حسابـه