كتبت الشعر مو لجلك ولكن

بــســم الـله الرحمن الرحيم



تفضلووووو ياحلوووووووووووين===>>

,,,..,,,
كتبت الشعر مو لجلك ولكن فاض بي بركان..

ولا أنتي فلا تسوين قصيده من رمش عيني..

حلفتي لي تصونيني إذا صار الزمن خوان..

وأول ماعثر حظي على دربك خذلتيني..

كسر رمح الزمن صدري وجيتك أشتكي حيران..

نزعتي الروح من صدري وفي ظهري طعنتيني..

خساره كيف حبيتك نعم والله أنا ندمان..

غبي أدري نعم أدري مدام أنك سكنتيني..

سنه من عمري ضاعت وأنا في لعبتك غرقان..

أشيل الشوك من دربك وجرحي كان يدميني..

كنت أبكي إذا تبكين ولبسمتك أنا فرحان..

وكنت أقرب من رموشك لعينك يوم تبغيني..

عرفتك للأسف صحراء وحولتك إلى بستان..

وشلتيني غصن أخظر وفي صخرك زرعتيني..

حفرتك داخلي وطن تصوني عشرتك أزمان..

وكنت أحفر قبر موتي على ساحل شراييني..

على كف الشقا نامت جروحي والألم سهران..

يحطمني يبعثرني وفي صحراك يرميني..

ولكن عزتي تفرض أكون بدنيتي سلطان..

وأن ظنك أجي وأركع لرجلك ماعرفتيني..

أنا مو عادتي أشحذ من أمثالك رضا وأحسان..

أموت بعزتي أرحم ولا ذلك يغطيني..

ومدام الوفا عندك يدور له على عنوان..

بدور له على قلبً يصون الحب وسنيني..

وإذا جاك خبر موتي ترحم وأطلب الغفران..

على شخصً خسر نفسه قبل لاتخسره ناسه..

عاش بعمره وحداني يصارع همه والأحزان..

ولجل ماينكسر أكثر جرح عمره وأحساسه..

جرح اللي إذا ضاقت وجيه الناس والبنيان..

فتح قلبه قبل سمعه وواسى دمعته وياسه..

وبالآخر قبل يرحل طلب من دنيته النسيان..

عسى يرتاح في قبره بعد ماضاقت أنفاسه..

وطلب من كل هالعالم تنسى أسمه والعنوان..

لأن الموت قرب له ودقت رحلة أجراسه..

وإذا في يوم طرى في البال أسم فلان ولد فلان..

لاتبكي وأطلب الرحمه لأن القبر ألباسه..
,,,,....,,,,,....

تحياتي:: حــمــوووودي